________________
तरंपलेला
तो फुल्ल-सूरवल्लीए तेहिं संदाणिया दुयग्गा वि । विसम-विस-महल्लिं चोर-सुइल्लि निया पल्लिं ।।९४२ गिरि-कोलंब-निविद्ह लट्ठ पाणिय-दरिद-पेरंतं ।। अंतो-बहु पाणीयं विसमं अगमं पर बलाणं ॥९४३ असि-सत्ति-कंड-फल-कणक-कांत विविहाउहेहिं चोरेहिं । विविष्ह-जण-निच्च-निगम-पवेस-संरवि खय-दारं ॥९४४ मल्लहडि-पडह-डंडुकिमउंदा संख पिरिलि-रव-मुहल । उग्गीय-हसिय छलिय (?) विग्घुट्टोकहि-सदाले ॥९४५ पेच्छामो य पविट्ठा ठाणं सज्ज पसाय पज्जाए । पाणि-निसुंभण-तुहाए बहु धय चिंधार अजाए ॥९४६ कच्चाइणोए ठाणं नमिऊण पाहिणं च काऊणं ।। दच्छिम्ह तत्थ चोरा अण्णे पच्चागते चोरे ॥९४७ तो तहिं पच्चाभट्ठा दिट्ठा कय-कम्मया नियत्तता । सव्वे अणह सरीरा लाभ समग्गा इय सहुँति (?) ॥९४८ पल्लि च अल्लियते लयाण संदाणिए दुयग्गे वि । दच्छीय णे अणिमिसा विम्हिय-हियपहिं ते चोरा ॥९४९ भाणियह तहिं केइ अरहह नर नारि रूव-सारेण । अप्परिर्ततेण मणे कय कयतेणिमं मिहुणं ॥९५० सोहंति एकमेको एसो [तरुणो] इमा य तरुणीय । चंदेण जहा रत्ती रत्तीए जहा सरय-चंदो ॥९५१
पल्लि मुविय-जण-मणं कथइ संरुद्ध-बद्ध कलुण-जणं । तं देवलोग-जमलोग-उभय सरिसोवममतीगं
॥९५२ अख्य (?) ख्य लायण्ण-जोव्वणं देव-मिहुणग सरिच्छे । तरुण मिहुणं किर भडेहिं गहियमाणिज्जइ इहं ति ॥९५३ सोऊण पल्लि रच्छ सबाल बुट्ट-महिला-समग्गेण । आपूरि पयत्ता जणेण कोऊहल-मणेण ॥९५४ एवं अइणिज्जते अम्हे कलुणे तहिं महिलियाओ । सायंतीओ पुत्ते च काउं रायति बंदीओ ॥९५५ एगत्थ भणइ चोरी तरुणी तरुण-जण-नयण मण चोरी ।। दठूण पिययमं मे हास-रस-पसाहिय-सरीरा ॥९५६ इणमा जुवाण-वंदि चंदमिवोयारियं नहयलाओ । विलया-रोहिणि-सहियं ठवेह तागं (?) ॥९५७
