________________
११२
तरंगला
तो मं भणइ पिययमो सुंदरि मा भाहि पेच्छसु मुहुत्त । एते दारुण-चोरे जाव य पहरेहिं वारेमि ॥९०९ तुह लंभ-तुट्ठि-मोहिय-मण सत्थं न मे रे (2) गहियं । रमियन्वयं ति गहिया मणि-रयणा भूसणा य तुह ॥९१० वम्मह-सर संतत्तो न गणेइ भयं व आवंते(?) वावि । पुरिसो साहस-बुद्धी सुंदरि मरियव्व-बुद्धीए ॥९११ जइ वि समत्था एते वीसत्था होहि तत्थ वि । कराल रिउ-विज्झत्थं (?) समरे सुलभं समत्थस्स ॥९१२ ताव य इमे विलासिणि अल्लिति ममं अनाय-परमत्था । खग्गुक्खय-पज्जलियं जाव भुर्य मे न पेच्छति ॥९१३ हंतूण एकतरगं एसि सत्थं च से गहेऊण । पातोसारिय-मेहे व्व एस नासेमि हं सव्वे ॥९१४ जइ बि हु होज्ज विवत्ती सा वि वरं मे कय पुरिसयारे । न य मे वरं किसोयरि इह तुझ विलुंपणं ददर्छ ॥९१५ न हु मि समत्थो सुंदरि दर्छ निठुर-परिहत्थ-चोर परिमुटुं। अवि छिण्ण-वसण-भूसण-विसण्ण-विमणं तुम भग्गं ॥९१६ मझ कएण मयाए पर-लोए तो पुणो इहं लोए ।
... ..कुलहरयं च धण-सामिद्धिं ॥९१७ मज्झ च कए हीरंति पुरओ पययणू (2) चोरेहि। किह नाम धरिसणमिणं तुह जीवंतो ण वारेमि ॥९१८ गच्छंतु य में बाले मा मे चोरेहिं परिभंड (१)। चोरेहिं समं सुंदरि पेच्छहु तरणं व मरणं वा ॥९१९
एयं निसम्म अयण पियस्स पाएसु निवडिया अहयं । मा नाह अणाहं में परिच्चएज्जा ति जंपंती ॥९२० जइ एव ववसियं ते पडिच्छ जा ता वहेमि अप्पाणं । न वि है पुणो समत्था तकरहिं निहयं तुम दट्टुं ॥९२१ अवि हं देह-विवत्ती-जुत्ता होहं गुणेहि बहुहि । तक्खर-नियम्मि तुमे न य जीवंती गुणं लब्भं ॥९२२ मुद्धय चिरस्सलद्धय भागीरहि-पहिय मज्झ खणं(१) पविस्स । सुमिणे व्व दिट्ठ-नहो हा हाहिसि दुल्लही नाह ॥९२३ होज ब न व होज्ज पुणो समागमो णे परम्मि लेागम्मि । जाव य जीवामि अहं ताव य अणुपालयाहि तुमं ॥९२४ जं होही त होही अण्णोण्णं णे अमुचमाणाणं । न वि नासंतो मुबइ कम्म-विषाग-प्पहाराणं ।।९२५
