________________
१०८
सरंगलाला
कंठे घोलिर-वाया रइ-उसुया थगथगंत हियया है। मयणेणं तोरविया संपुण्ण-मणोरहारंभा ॥ ८७७
आगारेहि य अहयं तहा पसणेहिं पुलकियंगीय । नावा-तलं कमेण उल्लिहमाणी पियं बेमि ॥ ८७८ नं ना देवयं पिव निवेइओ मे सयं तुह अज्ज । सम-सुह-दुक्ख सहाई आणोभोज्जा(?) अहं तुझं ॥ ८७९ न य ह परिहरियव्वा तुज्झ कए कुलहरं परिहती । भत्ता य बंधव त्ति य मावहरेज्जाही स-हत्था ॥ ८८० अह चिय हु अह सरीरं धरेज्ज तुह रमण राग-पडिरता। सुचिरं पि निराहारा तुज्झ वाहार मेत्तेण ॥ ८८१ न य ह तुमे विरहिया मुहुत्त मेत्तं पि धीर धारेज्जा। वाहार-वइगरं ते हियय-सुहकर अलभमाणी ॥ ८८२ एवं भणिओ मणसा परिणाम-सुहावहं मया घरिणि ।। हिययाइं माणुसाणं चल चित्ताई गणतीए ॥ ८८३ तो भणइ मा ज(१)माही मा उकंठी पिउए कुलहरस्स । न वि ते विसाल नयणे किंचि वि विउणं करेज्जा ॥ ८८४ सारइय-तिक्ख-नहसोत्त-चवल-संपत्थिया अपरितंता । अणुकूल वाय-नोल्लिय पसत्थ-धावंत-नावा य ॥ ८८५ अचिरेण अम्हे सुंदर पंडुर-भवणेहि सोहियमुदारं । गच्छामो पसयच्छी कार्यदिमणिदियं नयरि ॥ ८८६ तत्थ य पिउच्छिया मे तीसे वर-भवण-पुंडरीयम्मि । कीलिहिसि निरुव्विग्गा सग्गम्मी अच्छर बहु व्व ।। ८८७ सोक्खस्स खणी दुक्खस्स नासणी जीवियव्य-सव्वस्सं । कुल-वग्गयस्स मज्झ य घरिणी सि पिउ त्तिमं भणइ ।। ८८८ तो चक्कवाय वासिय-संभारिय-पणय-तुरिएण रइयं । जरमइणीयमिदितेण (?) भुय-पंजरं निययं ।। ८८९ पिययम-फरिसण-पाणेण तेण य(?) निव्वुया मि कया । गिम्हुम्हा-संतत्त व्य वास-निव्वाविया वसुहा ।। ८९० गाढमवगृहियाए य तह वि न निरंतरं समल्लीणो । तस्स उरे मज्न उरो पीणत्तणेण थणयाणं ।। ८९१ भाणुस्सय सोक्ख-सुहाबहेण रहसेण कय-विवाहेण । आवाहेण सहाण गंधव्व-विवाह-धम्मेणं ॥ ८९२ नमिऊण नियय-देवे पिएण कामंभ(?)जाय हासेणं । सुरय-मिस्सिय-इच्छिय-रइ-महियं नयण-रुइय मो ॥ ८९३
