________________
एयम्मि देस-काले केणइ पुरिसेण राय मग्गम्मि । गीयं अइच्छमाणेण तस्स अत्थो इमो घरिणि ॥ ८४१ सयमागया पिया जोव्वणं च अत्थो य राय-लच्छी य । वास-समए य जोण्हा पंच वि तुरमाण-भोज्जाई ॥ ८४२ इच्छति जं तं लध्दूण पिययमं जो नरो पुणो मुयइ । सो अप्पणा उबगयं नेच्छइ ललिअ-लच्छी उ (?) ॥ ८४३ लघृण चिरस्स पियं सुदुल्लभं जीवियव्व-सव्वस्मं । जो मुयइ न सो कामी बहु-विणग्घयं व रक्तम्मि(?) ॥ ८४४ एय सोऊण पिओ घरिणी गीयत्थ-चोइय-मतीओ। भाणीय सरय-निम्मल-समत्त-चंदाणणो सुहल(?ओ) ।। ८४५ जह नर(?) अण्णं देसं अज्ज पिए इओ पवज्जामो । तो नवरि निराबाई सुइरं पि तहिं रमेग्जामो ॥ ८४६ तो है बेमि रुयंती नम्हि समत्था नियत्तिसं नाह । अणुगामिणी अहं ते जत्थ भणहि तत्थ वच्चामो ॥ ८४७ दावेऊण उवाए बहुए नाऊणं मं ववसियं ति । वब्चामो ति भणइ में जा ता गेण्हामि पाइयं ॥ ८४८ पंथ-परिव्वय-हे जाव य सो भवणमइगओ निययं । ताव य चेढीय मए भूसणमाणेहि पट्टविया ।। ८४९ सो य तुरियं पयट्टा अम्ह भबण-मंदिरं दुई। रयण-करंडय-हत्थो पडिग्गओ मे पिययमो वि ।। ८५० सो भणइ एहि कमल-दल लोयणे न ठाइउं इह कालो । जाव न जाणइ सेट्ठी ताव खमं ते अवक्कमणं ॥ ८५१ ता है वेमि सविलिया चेडी में भूसणाण पट्टविया । सा जावता णियत्तइ ताव मुहु पडिच्छामो ॥ ८५२ तो भणति अत्थसत्थम्मि वणियं सुयणु सत्थयारेहिं । दूती परिभव-दूती न होइ कजस्स सिद्धिकरी ॥ ८५३ एत्तो हु मंतभेओ दूतीओ होज्ज कीस ते मुक्का ।। महिला मुव(१)रहस्सी रहस्स-काले न संठाइ ॥ ८५४ आभरणमवेलायांनीणंती अवि य घेप्पति कहिंचि । ता होज्ज मंत-भेओ गमण-विधाओ य निव्वाणं ॥ ८५५ जा इमा तत्थ न घेप्पड़ कायव्वं तो वि गमणमेण्डिं पि । होही अप्पच्चूह अकाल-हीर्ण करेत्ताणं ।। ८५६ मणि-मुत्त-चइर-जुत्तं सव्वाभरणं मए वि त गहियं ।। संभारा जाइया मोयगा च ता एहि वच्चामो ॥ ८५७ तो तेण एव भणिया तस्स य छंदमणुयत्तमाणीय ।। अपडिच्छिय-सारसिया घरिणी संपत्थिया तुरियं ॥ ८५८
