________________
१.२
तरंगलाला
अह भणइ चेडिया तं न किंचि अप्पाहिया अहं ताए । सयमेव विण्णवेही सा इह [भे] आगया पासं ।। ८२५ अह भणति पुणो चेडी तुहा(१) साहेज्ज एत्तियं वेलं ।। कामाउरा य सामिय वह(?) से हत्थं धरेज्जाहि ॥ ८२६ कण्णा नदी उवगया सा ते पुव्वाणुराग-जल-भरिया । पुरिस समुह समुई गगा व इमा तरंगवती ।। ८२७
अहमवि तो संभंता य परिस्सम जाय-सेय-विलिणंगी। आणंद-बाह-निग्गय-अइरागय-वेविर-सरीरा ॥ ८२८ पाएसु निवयमाणी विणएणं हत्थि-हत्थ-भूयाहिं । बाहाहिं सुहाहिं अहं उक्खित्ता पिययमेणं च ॥ ८२९ भणिया य गाढमवहिऊण बाहं चिरं पमोत्तूणं ।। मज्झं सोग-पणासणि सामिणि सुस्सागयं ते त्ति ।। ८३० पेच्छइ य अणिमिसच्छो हास-विसटुंत-सरस-मुह-कमलो। वियसिय-कमलागर-निग्गय व लच्छि पउम-हीणं ॥ ८३१ लज्जोणयद्ध-परियत्त-ससितिय(?) हास-पुलइयंगी हं ।। पाएण कमल-दल- कोमलेण भूमी विलिहमाणी ॥ ८३२ अहमवि तं पेच्छामी अद्धच्छि-कडक्खएहि वक्खित्ता । विट्ठा य तेण दिहि हेटाहुति करेमाणी ॥ ८३३ सव्वावत्यंतर-सुंदरेण कंतरस तिम्व(?) कंतेण । सुठुतर मे कामो रूवेणं पूरिओ तस्स ॥ ८३४ तो तस्स परिसण-समुहिएण तं पीति सास-जणएण । पूरह हिमय च्छेत्तं मझं परितोस वासेण ॥ ८३५ अह भणइ पिययमो में कि साहसमेरिस ववसियं ते।। ते च भणिया किसोयरि गुरु-प्पसायं पडिच्छ त्ति ।। ८३६ रायकुल-वल्लहो अढओ य निगमम्मि गहिय वक्को य । बह-मित्तो य पिया ते सामिणि नगरस्स य पहाणो ॥ ८३७ नाऊण अविणयमिणं करेज गुण-विणय बाधणं तुझं। मल्झ य करेज्ज रहो सो सव्य-कुलस्स उग्घायं ॥ ८३८ तं जावता न नजसि ताव नियत्ताहि निय-घरमेव । अहयं काहामि तहा जह लब्भं तं उवाएणं ॥ ८३९ गूढं पि अञ्चमाणाई सो नाही अम्ह नत्यि संदेहो । सुनिरूविएण सुंदरि सुणियंसं(?) चार-चारेणं ॥ ८४०
