________________
तरंगलाल
तो सो मं पह भणई भद्दे कत्तो सि किं च आगमणं । भण किं च कीरउ लहुं तो एवं जंपिअत्थे (!) तुह ॥ ७०९ वम्मह-कज्जं भरइ(१) अकामे कायव्वएण हं वि(ब)द्धा । बेमि य तो णे सामिणि इमाणि वयणाणि जंपइ य ॥ ७१० कुल-चंद विणय-भूसण अयस-दरिदिय गुण-गव्विय जसंसि । सव्य-जण-मण-पवेसय सुण विण्णप्पं इमं अप्पं ॥ ७११ सेहिस्स उसभसेणस्स बालिया नामओ तरंगवती । दियलोय-वासिणीणं अणुसरिसी अच्छर-वहूणं ॥ ७१२ चितिज्जमाण-कामो तीसे हियए मणोरहारामो । होइ सफलो किर जहा तीए पसीयंतु जोयया(? वो पाया) ॥ ७१३ जह चक्कवाय-जाती-गओ तओ धरति पेम-संबंधो । तो तीए जीवियत्थो हत्थो किर धीर धारेहि ॥ ७१४ तुह वाया-संदेसो उसेण कहिओ मए तीसे ।। विण्णत्ति-पिडियत्थं च पत्तगं गिण्हह इमं ति ॥ ७१५
एव भणिओ मए सो बाह-पर्कपिज्जमाण-सव्वंगो । उत्तम्मिय-मुह-नयणो सोगुम्मीसेहिं अंसूहि ॥ ७१६ मणमणस्सराइय (?) अणुरागो(गं) पीवरं पयासेतो । पडिवयणमदेमाणो बाहेण सभोग्गहिय-धाओ ॥ ७१७ दुक्ख-विणोयण-हेलं दखणसा(?)दुक्खेण चितियं संतं । तं तेण चित्त-फल्यं अंसूहिं पुणो समुद्धोयं ॥ ७१८ ओरुन्नय-तंबच्छो य (१) पत्तं परिग्गहेऊण । भुभया तंडव-करणं अणुवाएसीय सणियं तु ॥ ७१९ तो पत्तया गहियत्थो पसन्न गंभीर धीर-घोसो मं । भणइ य महुरमचवलं फुड विसय-मियक्खरं इणमो ॥ ७२० कि जंपिएण बहुणा संखेबेणं पि सुणसु भूयत्थं । पत्तिय नेय जियंतो जइ सि न इंती इह अज्ज ॥ ७२१ तुह आगमणेण इह विलसिणी देस-काल-पडिएण । तीए सह जीविय जीवलोय सारं इमं हि णं(१) ॥ ७२२ कामेण चंड-कंड-पहार-पासल्लियस्स संतस्स । तुज्झागमण-ममो मे इणमो लद्धो पडिक्खंभो ॥ ७२३ जाती-सरणं च तुहं चित्त-पड-निरिक्खणा समुप्पणं । साहीय मज्झ सव्वं जह तह तुब्भेहि मे सिढें ॥ ७२४ उज्जाण-पउमसर-चक्कवाय-संदरिसणेण संभरियं । तुज्झ वि जाई-सरणं तस्स मए मूलओ कहियं ॥ ७२५
