________________
तरंगलोय
८.
मुक्ख-बडएण सहियं उच्छंग-गएण चित्त-फलएण। चत्त-धणुं पिव कामं निकाम-सुंदर लावणं ।। ६९१ नयणोदएण निवडतएण बिबं सु-चित्त-फल्यम्मि । दुस्सिक्खिउ व्व लिहिउं लिहिलं फुसियं करेमाणं ॥ ६९२ अच्छइ तुज्झ समागम-मणोरहापूरिएण हियएण । अप्पाणं सोयंतो सरीर-सयडं(१) विगय-हासो ॥ ६९३ तो विणय-नमिय-गत्ता मत्थय-मेलाविएहिं हत्थेहिं । बेमि पुरओ उवगया चिरं जियउ अज्जउत्तो ति ॥ ६९४ तो तुवर-रत्त-साडय-नियंसणो कुडिल दंड कठो में । बंभण-चम्मोनरो खरवखरो तुच्छ-कुच्छीओ ॥ ६९५ उब्भड वयणो थद्धो अति-मुक्खो मक्कडो विव अणाडो । मुक्ख-विगार-परज्मो विगरहिओ गो-करीसो व ॥ ६९६ सो उ समतिच्छिएहिं य दोद्धिय-मिजोवमेहिं दंतेहि । पागड-कुंडिय-कण्णो टप्पर-कण्णो xxx तहिं ॥ ६९७ बडुओ भणेइ किण्णो तं भोदी सुंदर-बडुयस्स मज्झ । अभिवादं न करसि अह पढर्म एयरस सुइरस ॥ ६९८ तं चिय दक्षिण-हत्थावणयं दक्षिण्ण-विकरणा अहियं । अहिवाए ते अज्जो त्ति बेमि निविट्ठ तयं बडुयं ॥ ६९९ तो सहसा उम्फिडिओ अही कहिं ति बडुओ करेमाणो । अम्हं तुच्छं लग्गाही (?) अब्बभण्णं करेमाणो ॥ ७०० वेसत्तणेण ददर्छ अहिं अहिय कारणं न इच्छमि । भण भोदि कि अही-मंति भणइ सो मं पुणो बडुओ ॥ ७०१ तो तं बेमि पुणो हं अही इहं नत्थि होहि वीसत्थो । तो भणइ कि खु अहियं अहिवाते ते ति म भणसि ॥ ७०२ अयं कासव-पुत्तो हारिय-गोत्तो दुजाइ वर-वंसो। गुल-दहि-कूर-पसंगो छंदोगो माहणो मि अहं ॥ ७०३ किं ते न सुय-पुवो तो मं परिभूय भोदि तोसेसि । सो एव कुणइ बालो हलबोलं तो ममं तत्थ ॥ ७०४ तो सत्थवाह-पुत्तेण तत्थ भणिओ अहो सि चवलो त्ति। मा अलियं इमं ता चिरस्स इह आगतं याह ॥ ७०५ अवसरे अकाल-भासणय बभबंधू अहो सि निल्लज्जो । अविणीय बब्बरय इयुच्छवोघयं महं (१) ॥ ७०६ तो सत्थवाह-पुत्तेण बभणो भणिओ कडुय-वयणेहिं । मुह-भक्कडिया देतो तोसंतो मं गओ तत्तो ।। ७०७ तसि य निग्गय मेत्ते तुट्ठा परिपुण्ण-लोभिरी(१) अहयं । देवा हु मे पसण्णा जं एस इओ गओ बडुवो ॥ ७०८
