________________
अनुसन्धान-७७
(२) मुन्द्रानगरे श्रीवृद्धिसागरगणिवरान् प्रति पत्रम् स्वस्तिश्रियां धाम महाविराम-श्रीकामसुत्राम--- धामा । श्रीगौडिकाख्यः प्रभुपार्श्वनाथः सदा श्रिये स्तात् प्रभुतासनाथः ॥१॥ इन्दुं कैरविणीव कोकपटलीवाम्भोजिनीबान्धवं मेघ चातकमण्डलीव मधुपश्रेणीव पुष्पाकरम् । भव्यानां नयनालिकामृतधिया द्रष्टुं यमुत्कण्ठते । स श्रीमानमराब्धिसूरिसुगुरुः कल्याणमाकल्पताम् ॥२॥ श्रीस्तम्भतीर्थादलकासतीर्थ्यात् सूरीश्वरा वार्षिकपर्वलेखम् । लिखन्ति विद्यादिमसागराः श्रीसमस्तभट्टारकचक्रचक्रिणः ॥३॥ श्रीमुनराबंदिरे वा.श्रीवृद्धिसागरगणिवरेषुसुखसंयमयात्रात्र सत्रा कल्याणमालया ।
श्रीगुरूणां कृपादृष्टेः सत्प्रभावात् प्रवर्तते ॥४॥ अथ प्रस्तुतम् ।
विहर्तुमुत्कमानसो(सा) सदा बभूविमो वयं, सुदाक्षिणात्यजालनापुरस्थसुस्थभाविनाम् । त्रिवार्षिकी निमन्त्रणां चिकीर्षवः फलोन्मुखीं तदैहिकाऱ्यागेहिनामिति प्रवृत्तिरागमत् ॥५॥ श्रीपूज्या यद्यस्मान् सौवान् सुश्रावकान् विजानीथ । तदवश्यं वन्दाप्यः संघोऽयं किं बहूक्तैः स्यात् ॥६॥ तेषामत्यादरतः सुदिने प्रस्थाय तरणिपुरनगरात् । वैशाखमासि कृष्णेऽप्येकादश्यां भृगोवरि ॥७॥ उपतीर्थमिता यावत्तावत् सङ्घन पू:प्रवेशार्थम् । आनीतोऽहमहमिकोत्कलिकाकलितः सुपौरजनः ॥८॥ युग्मम् गलद्दानोद्रेकभ्रमदलिकदम्बा: करटिनः, हया वेला(लो)द्वेलज्जनप्रगुणवेलावलगिताः । नृवाहिन्योऽनन्योपमघनरुचो (चः) स्रस्तकवचा, रथा सच्चीत्काराः प्रबलबलपादातिकगणाः ॥९॥
