________________
३८
अनुसन्धान-७५(१)
उपाश्रय, पौषधशाळा व. जोधपुरथी रतलाम खाते विजयजिनेन्द्रसूरिने लखायेलो पत्र औतिहासिक माहितीथी भरपूर छे. माळवामां तत्काले मराठा शासक दोलतराव अने रतलाममां पर्वतसिंह राजाना नामोल्लेख, माळवानी प्रजा, त्यांना रोगचाळानी बहुलता व.नी विगतो अपाई छे. तेमज जोधपुरना क्षत्रिय अने वणिक गोत्रो, त्यांना पुरोहित, व्यास, सैयद, पठाण, चारण, भाट, विविध देवस्थानो, सरोवरो, वाव आदि जळाशयो, त्यांना मिनारा अने मस्जिद, नगरमां मुकायेली तोप, विविध गच्छोनी पौषधशाळा व.नी विगतो प्राप्त थाय छे.
___ सूरत संघना मुम्बई खाते लखायेला पत्रमा भायखलामां मोतीशानी टूक, दादासाहेबनां पगलां, कोलाबामां श्रावकोनी वस्ती, दीपचंदे सं. १८८७मां काढेलो शत्रुजयनो संघ, हीराचंदे पायधुनीमां बंधावेलुं चिन्तामणि चैत्य, मोतीशाओ सं. १८७४मां काढेलो शत्रुञ्जयनो संघ, सं. १८८५मां मोतीशानी ढूंकमां थयेली आदीश्वरप्रभुनी प्रतिष्ठा व.ना उल्लेखो तेमज सूरतना परिचयमां अंग्रेज राजकर्ताओ, पारसीओ, त्यानां ४५ जिनालयो तथा जैनेतर देवस्थानो, १२ दरवाजा, दरगाहो, तापी नदी, अमां वेपारार्थे वहाणोनी अवरजवर व.नी विगतो प्राप्त थाय छे.
जोधपुरथी श्री संघना अमदावाद खाते लखायेला पत्रमा अमदावादनी शेठ हठीसिंहनी वाडी, मगनभाईनी वाडी, भद्र, भद्रकाळी मन्दिर, त्रण दरवाजा, झवेरीवाड, माणेकचोक, नागोरी सराई व.ना उल्लेखो छे. ओक आमन्त्रण-पत्रिकामां तारङ्गा तीर्थमां नन्दीश्वरद्वीपना जिनालयमां चोमुखजीनी प्रतिष्ठा सं. १८८०मां थई तेनी, तथा बीजी पत्रिकामां सं. १८८३मां शत्रुञ्जय संघमां पधारवा तेमज सिद्धाचल पर बंधावेला देरासरनी प्रतिष्ठाना शेठ वखतचंदे आपेला आमन्त्रणनी विगत प्राप्त थाय छे. ते समये लेवातो मुंडकावेरो तथा अन्य वेरा आ शेठे अेक वर्ष माटे भरीने संघयात्रिकोने वेरामांथी मुक्त करेला ओनो उल्लेख पण अहीं थयो छे.
आ विज्ञप्तिपत्रोमांना केटलाक अपूर्ण के त्रुटक छे. अवा अंशोमां सचवायेली माहिती अप्राप्य रही गई छे. केटलाक पत्रो सचित्र छे पण अहीं ओ चित्रो अप्राप्त के अप्रकाशित रह्यां छे.
मळेला विज्ञप्तिपत्रनो गुरु शिष्यने प्रत्युत्तररूपे जे पत्र लखे ते प्रसादीपत्र. गुरुजीनी वरसती कृपा ओ शिष्य माटेनी प्रसादी. गुरु पण पत्रमा पोताने त्यां थयेली धर्मक्रियाओनी विगत जणावे.
