________________
३६
पृष्टश्च तेन जिनदेवियुतेन सर्वमामूलचूलमवदच्च स तत्स्वरूपम् ॥७२॥
लाभं तमद्भुततमं तनयस्य दृष्ट्वा, तौ दम्पती मनसि चिन्तयतः स्म हृष्टौ । " चिन्तामणिः किमुत कल्पतरुः समागादस्माकमोकसि किमेष निधिर्नवीनः " ॥७३॥
दोषापहोऽपि शुचिरप्यनिशं जने यो नो तापनो न सगदः पुरुषोत्तमोऽपि । दोषाकरो न न कलङ्कयुतः कलावानप्युच्चकैः कुवलयप्रतिबोधकोऽपि ॥७४॥ वक्रो न र्यो (यो) गिनिवहे कृतमङ्गलोऽपि, सौम्योऽपि यो बत बुधोऽपि न कृष्णकायः । रम्यैर्गुणैर्गुरुरपीह कविद्विषन् न,
द्वेषी कलावति न यः कविरप्यजस्रम् ॥७५॥ मण्डो (न्दो) मनागपि न यश्च शनैश्चरोऽपि, यो ब्रह्मचार्यपि सदा नहि तारकारिः । कन्दर्पदर्पदलनोऽपि न कृत्तिवासा, आजन्म सत्यसुमना अपि नाऽकुलीनः ॥७६॥
तत्याज यः षडपि सद्विकृतीर्महात्मा, प्रायो ऽस्तदोषमपिबच्च सदाऽऽरनालम् ।
नानाविधस्व-परशास्त्रसमुद्रपार
गामी पवित्रचरणा (णः) शरणं जनानाम् ॥७७৷৷
यस्तारि (र) कैरिव शशी कलभैरिवेभः, शक्रः सुरैरिव नृपैरिव चक्रवर्ती । वाचंयमैः परिवृतः परितः सदर्पकन्दर्पसर्पति(वि)नतातनयैरनेकैः ॥७८॥
अनुसन्धान- ७१
