________________
१९८
अनुसन्धान-७१
मूळ वात तो पुरातत्त्व खातामांथी राजीनामुं आप्या पछीना विकल्पोनी चालती हती, पण वात अने विषयो केवा बदलातां चाल्या ! मधुसूदनभाई माटे वात नहीं, रस मुख्य छे. रसर्नु सातत्य अने लय जाळवतां विषय बदलाय एनी परवा नहीं. एने तो ए मजा माने छे. एमना संवेदनशील हैयानी आ तो विशेषता छे. ___ वातनो तन्तु साधतां एमणे कां : 'गिराबहेने केलिको म्युझियममां जोडावा ओफर आपी हती. परन्तु शेठ कस्तूरभाई लालभाईए पण्डित मालवणियाजी द्वारा अमदावादना एल. डी. इन्स्टिट्यूट ओफ इन्डोलोजीमां इन्डियन आर्ट एन्ड आर्किटेक्चर विभागमां रिसर्च प्रोफेसर तरीके जोडावानुं आमन्त्रण आप्यु ने त्यां जोडायो.
'छ महिना त्यां काम कर्यु ने अमेरिकन इन्स्टिट्यूट ओफ इन्डियन स्टडिझ तरफथी मागणी थतां डेप्युटेशन पर हुं वाराणसी गयो.' ___ आम, मधुसूदनभाई पाछा बनारस पहोंच्या. एसोसियेट रिसर्च डिरेक्टर बन्या. त्यां तेमने केळवायेली टीम, अद्यतन विपुल साधनसामग्री ने बीजी सगवडो मळी.
प्राचीन शिल्प अने स्थापत्यना अभ्यास माटे भारत देशना विविध प्रदेशो उपरांत, श्रीलङ्का, इन्डोनेशिया, इंग्लेन्ड, फ्रान्स अने स्विट्झर्लेन्डना प्रवासो कर्या.
दिल्ही, वाराणसी, फिलाडेल्फिया अने जर्मनीमां आन्तरराष्ट्रीय सेमिनारोमां भाग लीधो. अमेरिका अने यु. के.मां लेक्चर टूर पण करी छे. ____ लगभग बसो जेटला तेमना लेखो अने रिसर्च पेपर्स गुजराती, अंग्रेजी अने हिन्दीमां प्रकाशित थयां छे. प्राचीन अने मध्यकालीन जैन आर्ट अने आर्किटेक्चर पर एमना लेखो अने पुस्तिकाओ प्रगट थयां छे.
पूना, कर्णाटक, वडोदरा अने गुजरात युनिवर्सिटीमां आर्ट हिस्टरीमां सब्जेक्ट एड्वाईझर अने को-सुपरवाईझर छे.
ए ज्यारे एल. डी. इन्स्टिट्यूट ओफ इन्डोलोजीमां जोडाया त्यारे एमने पीएच.डी. गाईड थवानुं कहेवामां आव्यु. एमणे ना कही तो प्रश्न पूछायो, 'नवी पेढी तैयार नथी करवी ?'
