________________
ओगस्ट - २०१३
१७
कठिन-हठ-घाइ तिरियत्तणे ताजिउ, नरयगइ करण विलवंतु न हु लाजिउ । मणुयगइय हीण पक्खिम्म वसि पडियउ, लागि तुह चलणि आणंदि हिव चडिवउ ॥११॥ के वि तुह दंसणे देव सिवसोहगा, के वि वाणी सुणी चरणि भवमोयगा । भरहखित्तंमि हउं झाणि छउं लग्गउ, देहि आलंबणं नाह जइ जग्गउ ॥१२॥ धन्न ते नयरि जहि सामि सीमंधरो, विहरए भवियजण-[स]व्व-संसयहरो । कामघट देवमणि देवतरु फलियउ, तीइ घरि जीह हूइ सामि तुम्ह मिलियउ ॥१३।। करजुयल जोडि करि वयण तुह निसुणिसो, बाल जिम हलदे(?) पाय तुह पणमिसो । महुर-सरि तुम्ह गुणगणु हउं गाइसो, निय-नयणि रूव रोमंचिउं जोयसो ॥१४॥ तुम्ह पासे ठिउ चरणु परिपालिसो, हणिय कम्माणि केवल थिर पामिसो । तुम्ह जिण नियय-करु सिरसि संठविसउ, सो वि कईया वि मूहो सपदि वासउ ॥१५।। भरहखित्तंमि सिरि कुंथु अर अंतरे, जम्मु पुंडरगिणी विजय पुक्खलवरे । मुणिसुव्वय तित्थ नमि अंतरं इह जया, रेजु सिरि परिहरवि गहिय संजमु तया ॥१६।। हणिय कम्माणि लहु लद्ध केवलसिरी, देहि मे दंसणं नाहु करुणा करी । भाविए उदय जिण सत्तमे सिवगए, बहुय कालेण सिद्धि गमी सामिए ।१७।।
Jain Education International
For Personal & Private Use Only
www.jainelibrary.org
