________________
जान्युआरी - २०१३
॥ अथ नगरवर्णनम् ॥ यच्चैत्यालयमण्डली कलयति श्रीसञ्चयं सर्वतः,
सर्वज्ञैः समुपासिता परिलसत्तेजोव्रजालङ्कृतैः । हाराणां पटलीव पावनतरैरासेविता नायकैः,
सद्वृत्तत्वविराजिभिधृतगुणग्राममनोहारिभिः ॥६॥ यत्सर्वज्ञनिशाधिनाथसदनश्रेणी नृणां पद्मिनी
प्राणेशद्युतिधोरणीव नयति प्रध्वंसमार्ग तमः । पुण्योद्योतकदम्बकं गमयति स्फाति स्फुरन्ती पुनः,
___प्रीतिप्रापितसच्चकोरनिकरा दोषापहारक्षमा ||७|| यत्रत्या जिनचित्रभानुभवनाः शोभा वहन्तोऽद्भुतां,
लक्ष्यन्ते निलयावलीषु सहसा पार्थक्यतः पूरुषैः ।। शैलालीषु कुलाचला इव नरवातेषु भूपा इव,
स्वःसद्भूमिरुहा इव क्षितिरुहश्रेणीषु भास्वद्रुचः ॥८।। यज्जैनेश्वरवेश्मभासुरसुधालेपाट्यभित्त्यावली
सङ्क्रान्त-द्विजराज-वारिरुहिणीप्राणेश-तारादयः । युष्माकं पुरतो वयं किमपि नो तेजस्वितापात्रतां,
यामो वक्तुमितीव देवपदवीमार्गादिहेवाऽऽगताः ॥९॥ यत्र प्रेक्ष्य पदे पदे जिनगृहव्यूहे चकासत्सुधा
श्रेणी भित्तिगतामतीवधवल श्रीकां कलङ्कोज्झिताम् । स्वं शोचन् प्रसरत्कलङ्कमलिनं सान्द्रार्तिसंसर्गतः,
क्षीणः कैरविणीहृदीश्वर इव व्यालोक्यते व्योमनि ॥१०॥ यच्चैत्यप्रकरे सुधाधवलिता भित्तिप्रथा सर्वतः,
सन्त्यक्ताम्बरसङ्गमाऽपि लभते राढां दृढं सर्वदा । तच्चित्रं निजतेजसा जयति यच्छीतद्युतेर्मण्डलं,
विस्तीर्णाम्बरलब्धडम्बरभरं कुर्वत् कुवेलोदयम् ॥११॥ यत्र श्रीजिनयामिनीश्वरमहाचैत्यालिचञ्चत्सुधा
सन्दोहप्रतिबिम्बिता गृहमणीमाला चिरं राजते ।
Jain Education International
For Private & Personal Use Only
www.jainelibrary.org
