________________
जान्युआरी - २०१३
२५
किञ्च ममाऽनुप्रणतिः, प्रशंसनीया प्रसादमासाद्य ।
श्रीतातचरणपङ्कज-सेवनधन्यात्मनां शमिनाम् ॥२७८।। तथाहि- तत्रत्यानां वाचक-कुलकोटिकिरीटरत्नतुल्यानाम् ।
निरवद्यहृद्यविद्या-विशारदानां विमलधाम्नाम् ॥२७९।। वैयाकरण-सुतार्किक-सैद्धान्तिकपङ्क्तिलब्धशोभानाम् । परमोपकृतिरतानां, विद्याधनदानधनदानाम् ।।२८०॥ श्रीतातपादपादाम्बुज-सौरभलीनचित्तवृत्तीनाम् । श्रीकुशलसागराणां, सद्धर्मविधानकुशलानाम् ॥२८१।। लाभाणन्दबुधानां, प्रशस्तसत्तर्कतर्कनिपुणानाम् । श्रीपूज्यपादसेवा-विधानसंलब्धश्लोकानाम् ॥२८२।। मानादिमविजयानां, मुनिजनशिक्षाक्षणैकदक्षाणाम् । मुनिचन्द्रविजयनाम्नां, विधुहाससमानगमनानाम् ॥२८३।। क्षेमयुतविजयनाम्नां, सुलेखलिखनादिकृत्यदक्षाणाम् । सदुदयविजयगणीनां, काव्यरसास्वादविदुराणाम् ॥२८४।। अभिरामरामनामक-विजयगणीनामनन्यवृत्तीनाम् । सुमतिमतिविजयनाम्ना-मनेकमुनिकोटिशस्यानाम् ।।२८५|| चारित्रसागराणां, दर्शन-चारित्रसद्गुणधराणाम् । कल्याणसागराणां, कल्याणसमानकान्तिभृताम् ॥२८६।। नययुतनयविजयानां, प्रभुपादाम्भोजभजनचित्तानाम् । कर्पूरपूरचञ्चल-यशस्विकर्पूरविजयानाम् ॥२८७।। गणिहीरसागराणां, हीरोज्ज्वलहारिविशदरदनानाम् । सदयाद्यपदाभ्यर्थित-सागरपदनामधेयानाम् ॥२८८।। सुविनीतविजयनाम्नां, सुविनेयविनेयपङ्क्तिप्रष्ठानाम् । कृष्णपदयुक्तविजया-ह्वानानां तातकृत्यविदाम् ॥२८९॥ कमलाणन्दगणीनां, कोमलकमलाभवदनकमलानाम् । विजयाणन्दमुनीनां, पठनोद्योगप्रधानानाम् ॥२९०॥ मुनिविजयसागराणां, सारस्वतपाठपठनचञ्चूनाम् । सुविशालसागराणां, मुनिविस्मयकारिकवनानाम् ॥२९१।।
Jain Education International
For Private & Personal Use Only
www.jainelibrary.org
