________________
जान्युआरी - २०१३
१३५
मुनीशितस्त्वत्पदपङ्कजं य-स्त्रिसन्ध्यमाराधयति प्रतीतम् । सर्वर्द्धिमासादयति प्रभूता-आ(मा)नम्रपृथ्वीपतिपूजनीयम् ।।४३।। प्रभो! भवल्लोचनपङ्कजेन, जितं किमिन्दीवरमद्भुतेन । शिलीमुखारावमिषादिवैतद्-द्रुतं तनोतीव नताभिरूप! ॥४४॥ सिद्धापगाकैतवतस्त्वदीया, पुनाति विश्वत्र(त्रित)यं व्रतीश! । कीति शं कुन्दमुकुन्दकम्बु-सच्चन्द्रचन्द्रार्जुनभास्वराभा ॥४५।। मुनीशितः! कोविदकैरवाली-विकाशनश्वेतहयोदयाभ! । प्रोद्भूतसद्भूतगुणौघसेवधे!, जीयाच्चिरं साधुशिरोवतंस! ॥४६॥. मुनीश! सम्पूर्णसुधामयूख-बिम्बोपमानं भवदास्यपद्मम् । विश्वत्रयीनेत्रचकोरहर्ष-प्रकर्षदानप्रवणं विभाति ॥४७॥ सदष्टमीशीतरुचिः समेता, विशालभालच्छलतः किमेषः । उपासितुं त्वद्यशसाऽभिभूत[:], चित्ते सकर्णा इति तर्कयन्ति ॥४८॥ इत्यादिभूयिष्ठगुणैर्युतानां, जगत्तनूमद्विहितेहितानाम् । विश्वत्रयीसज्जनताहितानां, वैराग्यलीलारसमोहितानाम् ॥४९॥ निर्जितबहुवादानां, शारदशशिशुभ्रवर्णवादानाम् । गतसकलविषादानां, श्रीमत्श्रीतातपादानाम् ॥५०॥ [आर्या] काऽपि प्रसादपत्री, प्रमोदक/ शिशोरथ भवित्री । बहुबहुदिनानि यावत्, मार्गितमार्गाऽपि नित्यमिह ॥५१॥ तेन प्रसद्य सद्यः, स्वाङ्गारोग्यादिसूचका चतुरा । साऽत्र प्रसादनीया, प्रमोदसम्पत्तये स्वशिशोः ॥५२॥ श्रीतातपादैस्तपगच्छपद्म-सहस्रपादैर्विहितप्रसादैः । गतावसादैविगलत्प्रमादैः, सदाऽवधेया प्रणतिर्ममाऽऽर्यैः ॥५३।।
तत्र
श्रीतातपादपदपद्मयुगे मराल-बालस्वभावमनिशं दधतः स्वशक्त्या । श्रीमद्विनीतविजयाभिधवाचकेन्द्र-चूडामणेः प्रणतिरत्नमिदं प्रसाद्यम् ॥५४॥ अमरविजयाभिधानाः विबुधाः श्रीजसविजयनामानः । रविवर्धनाख्यविबुधाः, धनविजयाख्यास्तथा विबुधाः ॥५५॥ तत्त्वविजयाभिधाना, गणयो गणिसिद्धिविजयनामानः । मुनयश्च वर्धमाना-दिमविजया ज्ञानविजयश्च ॥५६।।
Jain Education International
For Private & Personal Use Only
www.jainelibrary.org
