________________
[10]
अण्णह जे जे सीसा, गुरवे खंते हवंति लहुअवया । वुड्डाणं पव्वज्जा, णो दायव्वा त्ति सिज्झइ तो ।।९२॥ अह सीसा वुड्डा अवि, पट्टधरो किंतु लहुवओ चेव । तं पिअ चिंतिअमित्तं वुड्डस्स वि पट्टदाणाउ ।।९३।। जह सिरि जंबूसामी पभवाओ चउदवरिसलहुओ वि । पभवं चिअ पट्टधरं कासी जुग्गत्तणं णाउं ॥९४॥ जंबुस्स असीवरिसा पभवस्साउं हवंति पंचासी । जंबुस्स तहवि पभवो, पट्टधरो आसि केवलिणो ॥१५॥ चउरासी गणवइणो, आसी तेर्सि गणावि चउरासी । णियणियसीसे ठविउं, के विअ उसभेण सह सिद्धा ॥९६।। एगस्स सुहम्मस्स, जह परिवाडी इमंमि तित्थंमि । अण्णंमि तहेव भवे, इय रागद्दोसजं वयणं ॥९७॥ तम्हा जह सेट्ठीणं जह व निवाणं जहा व अण्णेसिं । पट्टपरंपरणीई, तहेव इहयं पि नायव्वा ॥९८॥ ण य वत्तव्वं संपइ, रायाणं नत्थि पुविआ णीई । तेणेव रायपुत्तो संते पियरंमि नो राया ।।९९।। जम्हा न होइ राया सो अहिसित्तोहवा अणहिसित्तो । पढमंमि विरोहो सक्खं, बीए णो किं वि णुववत्रं ॥१००।। एएण गुरुपरुक्खे सिज्जइ पट्टोत्ति तंपि दुव्वयणं । ठविअव्वा विण भूओ जुत्तीइ ववठ्ठितं जम्हा ॥१०१।। अण्णं च वायगाइअपयं तु पयडं हविज्ज गुरुदिण्णं । पट्टधरत्तं पुण सो जीवंतो व दाहित्ति ॥१०२॥ ता वंदणाइ सव्वं किच्चं जं णिम्मिअं तयं कम्मा । एवं पुच्छिज्जतो पावो भूमिं पलोएइ ॥१०३।।
Jain Education International
For Private & Personal Use Only
www.jainelibrary.org
