________________
जयसिरिं आयड्डिऊणं खणा । नूणं सो पुरिसुतमो विहसिओ देविन्दमन्धयलार्णतेहिं परिमन्थिए जलणिही साविक्खलद्धिंदिरो ॥ १ ॥ सो उण कुलकमागयनत्थियवायवायाऊरियपुट्टो देवगुरुदुट्टो जीवस्स वन्धमुक्खपुण्णपावपरभवग मणाइयं न मन्नइ, चत्तारि चैव भूए सवत्थ वत्थुकारणभूम परमरहस्स वाहरेइ । तस्स य पुरिमुत्तमस्स व सच्छी नियलडहला यण्णपराजियहरिसुंदरी सुरसुन्दरी नाम महादेवी । तस्स य महमाहष्पष्पपराजियामरमंती सुमइनामा मंती, जो य-निरुवममुणिजण सेवण धुरीणभावेण मुणियसुयसारो । जिणपूयबद्धलक्खो वयपालणसावहाणमणो ॥ १ ॥ इओ य भूरमणीतिलयसहोयरे सिरिचण्डउरे नगरे बेरिचकसुसुमरणचंड सेणो सेणो नाम सामन्तओ आसि, तस्स मंत तंतजंतसुदित्तमई जोई परममित्तो हुत्या, सो य अन्नया नरसुन्दररायविसमतम सेवानिवेयपरेण चण्डसेणसामन्तेण सवाऽलंकारभासुरीकाऊण सप्पणयं वाहरिओ-बन्धव ! मं दुक्खसायरनिवडियं नरसुन्दररायविद्धंसणहत्थावलम्बणदाणेण समुद्धरेस, तेणावि तम्मोहमोद्दियमहणा तद्देव पडिवन्नं, तओ जोगीवि कवीपुरीए गन्तुण एगंमि मढे ठाऊण बहुप्पयारको उगादंसणरञ्जियजणो परमं पसिद्धिमुवगओ, रणावि तप्पभावाइसयं लोयाओ सुणिय पियसगासमा कारिय सायरं दिन्नासणो रहम्मि पुच्छिओ-जोइरांय ! कओ देसाओ तुम्हे अम्ह पुरं सम्पत्ता १, जोगीचि जम्पेइ -महाराय ! जोइयप्रयभक्तं भवन्तमायण्णिय उक्कण्ठियचित्तो सिरिपबयाओ तुम्ह दंसणूसुओ समागओ, पुणरवि निव इणा पुट्ठो अस्थि कावि तुम्ह देवाणुभावसत्ती ?, तेणावि अप्पणो परममुक्करिसं पयडन्तेण भणियं-अत्थी चेव - दंसेमि रत्तीइ दिणं दिणंमी रत्तिं धरित्तीइ गणं गहाणं । पाडेमि थंभेमि किवीडजोणिं, सोसेमि एकलुएण सिन्धुं ॥ १ ॥
