________________
-CRAHAKAKAC
पुत्ति चिट्ठसु, सत्थाइगवेसणं निधाहं च तुह सचं करिस्सं ति, तेण नियपुरिसा सवत्थ पेसिया, न पत्ता वत्तावि * सत्यस्स, तो तस्स मणे संसओ जाओ, एयाए वयणमवितहं वितह वा ? इय जाणणकए चंपाए कुलंधरसिद्विपासे किमवि सिक्खविय पुरिसो पेसिओ, तेणावि तत्थ गंतूण भणिओ सिट्ठी-अहं माणिभद्दसिविणा तुम्ह पासं पेसिओ, कावि तुम्हधूया अस्थित्ति संबंधं काउं, तओ कुलंधरो साहइ-मह सत्त धूयाओ इत्थेव नयरे परिणीयाओ नियनियमत्तणो गेहेसु विलसंतीओ चिट्ठति, अहमिया पुण संपयं परिणीया पइणा समं चउडदेसे संपत्थिया, अन्ना य ।
कन्ना नत्थि जेण तुम्हेहिं सह संबंधो कीरइ, तओ सो पुरिसो नियनगरमागंतूण सवं सरूवं कहेइ माणिभहस्स, सो| विहु विनायवुत्ततो तीए विसेसेण गउरवं करेइ, सावि पदिणं विणयाइणा गुणेण सपरियणं तमणुरंजह । जओ-गौरवाय गुणा एव, नतु ज्ञातेयडम्बरः । वानेयं गृह्यते पुष्पमङ्गजस्त्यज्यते मलः ॥ १॥ अह माणिमहेण है जिणमयभाषियमाणसेण उत्तुंगचंगं कारावियं जिणभवणं, तत्थ सा परमगुरुचलणसुस्सूसणपउणी चेइए लिंपणमंडण-12 संमजणाइ सया करेइ, जं जं च दविणजायं भत्तुल्लयाइकए सिटिणा पायेइ तेण तेण सा जिणभवणे रत्थाइयं कारेइ, तओ विसेसेण तुट्ठो सिट्ठी बहुबहुयरं दविणं वियरेइ, तेण तीए देवस्स छत्तत्तयं कारियं, तं च केरिसं ?-माणिकचक्कजडिउजलहेमदंडं, मुत्ताहलावलिपहाणकयावचूलं । चीणंसुरण पडिछन्नुवरिलदेसं, चंचंतकंतमणिकतिविभा-1 | सियासं ॥ १॥ तं च जिणोपरि ठावियं, अन्नं च चामरभिंगारालंकाराइ देवस्स देइ, एवं तिहुयणगुरुणो बेयाष
-
२०१५
