________________
गताओ चंदाणणाओ चंदविलासिपीओ चंद्धसमनिडालाओ चंदाहियसोमदसणाओ उक्का इव उज्जोएमाणीओ विल्ब्रुघणमरीचिसूरदिपंततेयअहिययरसंनिकासाओ सिंगारागारचारवेसाओ पासाच्याओ४ तेयसा अतीव अतीव सोभेमाणीओ सोभेमाणीओ चिट्ठति ॥ विजयस्स णं दारस्स उभयतो पासिं दुहतो णिसीहियाए दो दो जालकडगा पण्णत्ता, ते णं जालकडगा सव्वरयणामया अच्छा जाव पडिरूवा ॥ विजयस्स णं वारस्स उभओपासिं दहओ णिसीधियाए दो दो घंटापरिवाडिओ पण्णत्ताओ, तासि णं घंटाणं अयमेयारूवे वण्णावासे पपणत्ते, तंजहा-जंबूणतमतीओ घंटाओ वइरामतीओ लालाओ गाणामणिमया घंटापासगा तवणिजमतीओ संकलाओ रयतामतीओ रओ ॥ ताओ णं घंटाओ ओहस्सराओ मेहस्सराओ हंसस्सराओ कोंचस्सराओ मंदिस्सराओ णंदिघोसाओ सीहस्सराओ सीहघोसाओ मंजुस्सराओ मंजुघोसाओ सुस्सराओ सुस्सरणिग्योसाओ ते पदेसे ओरालेणं मणुणेणं कपणमणनिव्वुइकरेण सद्देण जाय चिट्ठति ॥ विजयस्स णं दारस्स उभओपासिं दुहतो णिसीधिताए दो दो वणमालापरिवाडीओ पण्णत्ताओ, ताओ णं वणमालाओ गाणादुमलताकिसलयपल्लवसमाउलाओ छप्पयपरिभुजमाणकमलसोभंतसस्सिरीयाओ पासाईयाओ ते पएसे उरालेणं जाव गंधेणं आपूरेमाणीओ जाव चिट्ठति (सू० १२९) ।।
