________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
लघीयस्त्रयम्. प्रमाणनयैरधिगम्यत एव तत्त्वार्थ इति चेन्न अप्रकृतनिराकरणार्थत्वात् । प्रकृतप्ररूपणार्थत्वाच्च निक्षेपस्य । न खलु नामादावप्रकृते प्रमाणनयाधिगतो भावो व्यवहारायालं। मुख्योपचारविभागेनैव तत्सिद्धेः । न च तद्विभागो नामादिनिक्षेपैर्विना संभवति येन तदभावेऽपि तत्त्वाधिगतिः स्यात् ॥
अथ भूयः शास्त्राध्ययनफलं दर्शयतिभव्यः पंचगुरून् तपोभिरमलैराराध्य बुध्वाऽऽगमं । तेभ्योऽभ्यस्य तदर्थमर्थविषयाच्छब्दादपभ्रंशतः॥ दूरीभूततरात्मकादधिगतो बोद्धाऽऽकलंकं पदं । लोकालोककलावलोकनबलप्रज्ञो जिनः स्यात् स्वयं ॥५॥ स्याद्भवेत् । कः भव्यः मोक्षहेतुरत्नत्रयरूपेण भविष्यति परिणंस्यतीति भव्यः । अभव्यस्य मुक्तावनाधिकारात्। किंविशिष्टः स्यात् जिनः स्यात् । पुनः कथंभूतः लोकालोककलावलोकनबलप्रज्ञः षद्रव्यसमवायो लोकः ततो बहिरलोकः केवलाकाशरूपः । तयोः कला विभागः । अथवा लोकश्वालोकश्च कलाश्च जीवादयः पदार्थाः तासामवलो
For Private And Personal Use Only
