________________
परिशिष्ट ]
२०१ (१६५) जं जं खवेदि किडिं हिदि-अणुभागेसु केसुदीरेदि ।
संछुहदि अण्णकिटिं के काले तासु अण्णासु ॥२१८।। 'एदिस्से दस मूलगाहाओ । तत्थ पढमाए भासगाहाए समुक्कित्तणाण । (१६६) बंधो व संकमो वा णियमा सव्वेसु हिदिविसेसेसु ।
सव्वेसु चाणुभागेसु संकमो मसिनो उदओ ॥२१९॥ 'बंधो व संकमो वा णियमा सव्वेसु हिदिविसेसेसु' ति एदं पुच्छासुत्तं । तं जहा । 'बंधो व संकमो वा णियमा सव्वेसु हिदिविसेसेसु त्ति एदं णव्वदि णिघि8 त्ति एदं पुण पुच्छिदे किं सव्वेसु द्विविविसेसेसु, आहो ण सव्वेसु । तदो वत्तव्वंण सव्वेसु त्ति। किट्टीवेदगे पगदं ति चत्तारि मासा एत्तिगाओ द्विदीओ वनंति । आवलियपविट्ठाओ मोत्तण सेसाओ संकामिज्जति । 'सव्वेसु चाणुभागेसु संकमो मज्झिमो उदयो त्ति एदं सव्वं वाकरणसुत्तं । सव्वाओ किट्टीओ संकमंति । "ज किट्टि वेदयदि तिस्से मज्झिमकिट्टीओ उदिण्णाओ। एत्तो विदियाए मासगाहाए समुक्कित्तणा । जहा(१६७) संकामेदि उदीरेदि चावि सव्वेहिं हिदिविसेसेहिं ।
किट्टीए अणभागे वेदेतो मजिसमो णियमा ।।२२०।।
"विहासा। एसा वि गाहा पुच्छासुतं । 'किं सव्वे द्विदिविसेसे संकामेदि उदीरेदि वा आहो ण वत्तव्वं । आवलियपविटुं मोत्तूण सेसाओ सव्वाओ द्विदीओ संकामेदि उदीरेदि च । जं किढि वेदेदि तिस्से मज्झिमकिट्टीओ उदीरेदि । एत्तो तदियाए भासगाहाए समुक्कित्तणा। (१६८) ओकड्डदिजे अंसे से काले किण्णु ते पवेसेदि ।
प्रोकड्डिदे च पुव्वं सरिसमसरिसे पवेसेदि ॥२२१॥ __. 'विहासा । एसा वि गाहा पुच्छासुत्तं । ओकडदि जे अंसे से काले किण्णु ते पवेसेदि आहो ण ? वत्तव्वं । पवेसेदि ओकड्डिदे च पुवमणंतरपुव्वगेण । °सरिसमसरिसे त्ति णाम का सण्णा । जदि जे अणभागे उदीरेदि एक्किस्से वग्गणाए सव्वे ते सरिसा णाम | अध जे उदीरिदे अणेगासु वग्गणासु ते असरिसा णाम । "एदीए सण्णाए से काले जे पवेसेदि ते असरिसे पवेसेदि। "एत्तो चउत्थीए भासगाहाए समक्कित्तणा। तं जहा।
१. पृ० ५५। ६. पृ० ६१ । ११. पृ० ६७ ।
२. पृ० ५७। ७. पृ० ६२ । १२. पृ० ६८।
३. पृ० ५८। ८. पृ० ६३।
४. पृ० ५९ । ९. पृ० ६५ ।
५. पृ० ६० । १०. पृ० ६६ ।
