________________
२००
जयधवलासहिदे कसायपाहुडे
[ मूलगाथा और चूर्णिसूत्र
हाणीए १० । सेाणि कम्माणि एदेहिं वीचारेहिं अणुमग्गियव्वाणि । अणुमग्गिदे समता एक्कारसमी मूलगाहा भवदि । एक्कारस्स होंति किट्टीए ति पदं समत्तं । 'एत्तो चत्तारि क्खवणाए ति । तत्थ पढममूलगाहा -
( १६१) किं वेदेंतो किटिं खवेदि किं चावि संछुहंतो वा । संछोहणमुदयेण च अणुपुव्वं श्रणणुपुव्वं वा ॥ २१४॥ एदिस्से एक्का भासगाहा । तं जहा ।
(१६२) पढमं विदियं तदियं वेदेंतो वावि संछुतो वा । चरिमं वेदयमाणो खवेदि उभयेण सेसा ॥ २१५ ॥
"विहासा । तं जहा । 'पढमं कोहस्स किट्टि वेदेतो वा खवेदि, अधवा अवेदेंतो संछुतो । जे वे आवलियबंधा दुसमपूणा ते अवेदेतो खवेदि केवलं संछुहंतो चेव । "पढमसमयवेदग पहुडि जाव तिस्से किट्टीए चरिमसमयवेदगो त्ति ताव एदं किट्टि वेदेतो खवेदि । एवमेदं पि पढमकिडि दोहिं पयारेहिं खवेदि किंचि कालं वेदेतो किंचि कालमवेदेंतो संछुतो । जहा पढमकिट्टि खवेदि तहा विदियं तदियं चउत्थं जाव एक्कारसमिति । 'कोहणी बादर सांपराइयकिट्टीए अव्वहारो । चरिमं वेदेमाणो त्ति अहिप्पायो जामसां पराइ किडी ता चरिमा, तदो तं चरिमकिट्टिं वेदेंतों खवेदि, ण संछुहंतो । "सेसाणं किडीणं दो दो आवलियबंधे दुसमपूणे चरिमे संछुहंतो चैव खवेदि, ण वेदेंतो । रिमकिडिं वज्ज दो आवलियदुसमपूणे च वज्जणं सेसकिट्टीणं तमुभयेण खवेदि । “किं उभयेणेत्ति वेदॆतो च संछुहंतो च एवमुभयं । "एतो विदियमूलगाहा ।
(१६३) जं वेदेंतो किहिं खवेदि किं चावि बंधगो तिस्से ।
जं चावि संछुहंतो तिस्से किं बंधगो चावि ॥ २१६ ॥ "एदिस्से गाहाए एक्का भासगाहा । जहा ।
(१६४) जं जावि संछुहंतो खवेदि किट्टि अबंधगो तिस्से । सुमम्हि सांपराए अबंधगो बंधनिद्दएसिं ॥ २१७ || "विहासा । जं खवेदि किट्टि णियमा तिस्से बंधगो मोत्तूण दो आवलियबंधे दुसमपूर्ण हुमसां पराइय किडीओ च ।
* एत्तो तदिया मूलगाहा । तं जहा ।
१. पृ० ४० ।
६. पु० ४५ ।
११. पृ० ५० ।
२. पृ० ४१ ।
७. पृ० ४६ । १२. पृ०५१ ।
३. पृ० ४२ ।
८. पृ० ४७ । १३. पृ० ५२ ।
४. पृ० ४३ ।
९. पृ० ४८ । १४. पृ० ५३ ।
५. ५० ४४ । १०. पृ० ४९ ।
