Page Text
________________
३४०
जयधवला
विहासा एसा । एत्तो छट्ठी मूलगाहा ।
(१३८) किं लेस्साए बद्धाणि केसु कम्मेसु वट्टमाणेण ।
सादेण असादेण च लिंगेण च कम्हि खेतम्हि ।।१९१॥ एदिस्से दो भासगाहाओ । तासिं समुक्कित्तणा । (१३९) लेस्सा साद असादे च अभज्जा कम्म सिप्प लिंगे च ।
खेत्तम्हि च भज्जाणि दु समाविभागे अभज्जाणि ॥१९२।। "विहासा । तं जहा । छसु लेस्सासु सादेण असादेण च बद्धाणि अभज्जाणि। कम्म सिप्पेसु भज्जाणि । कम्माणि जहा - अंगारकम्मं वण्णकम्मं पव्वदकम्ममेदेसु कम्मेसु भज्जाणि। सवलिंगेसु च भज्जाणि । "खेतम्हि सिया अधोलोगिगं सिया उडढलोगिगं णियमा तिरियलोगिगं । अधोलोगमड्ढलोगिगं च सुद्ध पत्थि । 'ओसप्पिणीए च उस्सप्पिणीए च सद्धणत्थि । एत्तो विदियाए भासगाए समुक्कित्तणा।
(१४०) एदाणि पुन्वबढाणि होति सव्वेसु ट्ठिदिविसेसेसु ।
सम्वेसु चाणुभागेसु णियमसा सव्वकिट्ठीसु ॥१९३॥ "विहासा। जाणि अभज्जाणि पुव्वबद्धाणि ताणि णियमा सव्वेसु ट्ठिदिविसेसेसु णियमा सम्वासु किट्टीसु । "एत्तो सत्तमीए मुलगाहाए समुक्कित्तणा ।
(१४१) एगसमयपबद्धा पुण अच्छुत्ता केत्तिगा कहिं ट्ठिदीसु ।
भवबदा अच्छुत्ता ट्ठिदीसु कहिं केत्तिया होंति ॥१९४॥ 'एदिस्से चत्तारि भासगाहाओ। तासिं समुक्कित्तणा। (१४२) छण्हमावलियाणं अच्छुत्ता णियमसा समयपबद्धा ।
सन्वेसु ठिदिषिसेसाणुभागेसु च चउण्हं पि ॥१९५।। "विहासा । जत्तो पाए अंतरं कदं तत्तो पाए समयपबद्धो छसु आवलियासु गदासु उदीरिज्जदि । "अंतरादो कदादो तत्तो छस आवलियास गदास तेण परं छण्हमावलियाणं समयपबद्धा उदये अच्छुद्धा भवंति । भवबद्धा पुण णियमा सब्वे उदये संछुद्धा भवंति । एत्तो विदियभासगाहा ।
(१४३) 3जा चावि बज्झमाणी आवलिया होदि पढमकिट्टीए ।
पुवावलिया णियमा अणंतरा चदुसु किट्टीस ।। "विहासा। जं पदेसग्गं बज्झमाणयं कोधस्स तं पदेसग्गं सव्वं बंधावलियं कोहस्स पढमसंगहकिट्टीए दिस्सइ । तदो आवलियादिक्कत तिसु वि कोहकिट्टीसु दीसइ माणस्स च पढमकिट्टीए ।'एवं विदियावलिया चदुसु किट्टीसु दीसइ । तदो जं पदेसग्गं कोहादो माणस्स पढमकिट्टीए गदं तं पदेसग्गं तदो आवलियाए पुण्णाए माणस्स विदिय-तदियासु मायाए च पढमसंगहकिट्टीए संकमदि । एवं तदिया आवलिया सत्तसु किट्टीसु त्ति भण्णइ । १ कोहपदेसग्गं संछन्भमाणयं मायाए पढमकिटीए संपत्तं तं पदेसग्गं तत्तो आवलियादिक्कत मायाए विदिय-तदियासु च किट्री लोभस्स च पढमकिटीए संकमदि । एवं चउत्थी आवलिया दससु किट्टीसु . ति भण्णइ । जं कोहपदेसग्गं संछब्भमाणं लोभस्स पढमकिट्टीए संपत्तं तदो आवलियादिक्कतं लोभस्स विदियतदियासु किट्टीसु दीसइ । "एवं पंचमी आवलिया सम्वासु किट्टीसु त्ति भण्णइ। तदियाए वि भासगाहाए अत्थो एत्येव परूविदो। णवरि समुक्कित्तणा कायव्वा । तं जहा ।
(१४४) तदिया सत्तसु किट्टीसु चउत्थी दससु होइ किटीसु ।
तेण परं सेसाओ भवंति सव्वासु किट्टीसु ॥१९७॥ १. पृ० १३६ । २. पृ०.१३७ । ३. पृ० १४० । ४. पृ० १४१ । ५. पृ० १४२ । ६. पृ० १४३ । ७. ९४५ । ८. पृ० १४६ । ९. पृ० १४८। १०. पृ० १५० । ११. पृ० १५१ । १२. पृ० १५२ । १३. ११५३ । १४. पृ० १५४ । १५. पृ० १५५ । १६. पृ० १५६ । १७. पृ० १५७ ।
| SR No. | 090227 |
| Book Title | Kasaypahudam Part 15 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 390 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 38 MB |