Kasaypahudam Part 13

SR No.: 090225
Original Sutra Author: Gundharacharya
Author: Fulchandra Jain Shastri, Kailashchandra Shastri
Publisher: Bharatvarshiya Digambar Jain Sangh
Publication Year: 2000
Total Pages: 402
Language: Hindi, Sanskrit
Classification: Book_Devnagari, Karma, & Religion
File Size: 13 MB

Page 394

परिसिट्टाणि
२४९ णवरि पुरिसवेदस्स वे आवलिया बंधा समयूणा अणुवसंता! 'तस्समए पुरिसवेदस्स हिदिबंधो सोलस वस्साणि । संजलणाणं हिदिबंधो बत्तीस वस्साणि । सेसाणं कम्माणं हिदिबंधो संखेजाणि वस्ससहस्साणि । पुरिसवेदस्स पढमट्ठिदीए जाधे वे आवलियाओ सेसाओ ताघे आगाल-पडिआगालो वोच्छिण्णो ।
___ अंतरकदादो पाए छण्णोकसायाणं पदेसग्गं ण संछुह दि पुरिसवेदे, कोहसंजलणे संछुह दि । जो पढमसमय-अवेदो तस्स पढमसमय-अवेदस्स संतं पुरिसवेदस्स दोआवलियबंधा दुसमययूणा अणुवसंता । जे दोआवलियबंधा दुसमयूणा अणुवसंता तेसिं पदेसग्गमसंखेजगुणाए सेढीए उवसामिजदि । परपयडीए वुण अधापवत्तसंकमेण संकामिजदि । पढमसमय अवेदस्स संकामिजदि बहुअं । से काले विसेसहीणं । ऐस कमो एयसमयपबद्धस्स चेव ।
पढमसमय-अवेदस्स संजलणाणं ठिदिबंधो बत्तीस वस्साणि अंतोमुहुत्तणाणि । सेसाणं कम्माणं हिदिबंधो संखेजाणि वस्ससहस्साणि । पंढमसमय-अवेदो तिविहं कोहमुवसामेइ। सा चेव पोराणिया पढमट्टिदी हवदि । हिदिबंधे पुण्णे पुण्णे संजलणाणं हिदिबंधो विसेसहीणो। सेसाणं कम्माणं ठिदिबंधो संखेजगुणहीणो। एदेण कमेण जाधे आवलि-पडिआवलियाओ सेसाओ कोहसंजलणस्स ताधो विदियहिदीदो पढमहिदीदो आगाल-पडिआगालो वोच्छिण्णो । पडिआवलियादो चेव उदीरणा कोहसंजलस्स । पडिआवलियाए एकम्हि समए सेसे कोहसंजलणस्स जहणिया हिदिउदीरणा । चदुण्हं संजलणाणं हिदिबंधो चत्तारि मासा । सेसाणं कम्माणं हिदिबंधो संखेज्जाणि वस्ससहस्साणि । 'पडिआवलिया उदयावलियं पविसमाणा पविट्ठा। ताघे चेव कोहसंजलणे दो आवलियबंधे दुसमयूणे मोत्तूण सेसा तिविहकोधपदेसा उवसामिजमाणा उबसंता। कोहसंजलणे दुविहो कोहो ताव संछुह दि जाव कोहसंजलणस्स पढमट्ठिदीए तिण्णि आवलियाओ सेसाओ त्ति । तिसु आवलियासु समयूणासु सेसासु तत्तो पाए दुविहो कोहो कोहसंजलणे ण संछुहदि ।
"जाचे कोहसंजलणस्स पढमहिदीए समयूणावलिया सेसा ताधे चेव कोहसंजलणस्स बंधोदया वोच्छिण्णा । माणसंजलणस्स पढगसमयवेदगो पढमहिदिकारओ च । पढमट्ठिदिं करेमाणो उदये पदेसगं थोब देदि । से काले असंखेजगुणं । एवमसंखेजगुणाए सेढीए जाव पढमहिदिचरिमसमओ त्ति । विदियट्ठिदीए जा आदिहिदी तिस्से असंखेजगुणहोणं । तदो विसेसहीणं चेव । "जाधे कोधस्स बंधोदया वोच्छिण्णा ताधे पाए माणस्स तिविहस्स उपसामगो। ताधे संजलणाणं हिदिबंधो चत्तारि मासा अंतोमुहुत्तेण ऊणया । सेसाणं कम्माण हिदिबंधो संखजाणि वस्ससहस्साणि ।
"माणसंजलणस्स पढमहिदीए तिसु आवलियासु समयूणासु सेसासु दुविहो माणो माणसंजलणे ण लंछुभदि । पडिआवलियाए सेसाए आगालपडिआगालो वोच्छिण्णो । "पडिआवलियाए एक्कम्हि समए सेसे माणसंजलणस्स दोआवलिसमयूणबंधे मोत्तण सेसं तिविहस्स माणस्स पदेससंतकम्म चरिमसमय-उवसंतं । वाधे माण-माया-लोभसंजलणाणं दुमासहिदिगो बंधो। सेसाणं कम्माणं हिदिबंधो संखेजाणि वस्ससहस्साणि ।
(१) पृ. २८५ । (२) पृ. २८६ । (३) पृ. २८७ । (४) पृ. २८८ । (५) प.८२९ । (६) पृ. २९० । (७) पृ. २९१ । (८) पृ. २९२ । (९) पृ. २९३ । (१०) पृ. २९४ । (११) पृ. २९५ । (१२) प. २९६ । (१३) २९७ । (१४) पृ. २९८ । (१५) २९९ ।