Page Text
________________
३५०
जयधवलासहिदे कसायपाहुडे तदो से काले मायासंजलणमोकड़ियूण मायासंजलणस्स पढमहिदि करेदि । ताधे पाए तिविहाए मायाए उवसामगो। माया-लोभसंजलणाणं विदिबंधो दो मासा अंतोमुहुत्तेण ऊगया । सेसाणं कम्माणं हिदिबंधो संखेजाणि वस्ससहस्साणि । सेसाणं कम्माणं हिदिखंडयं पलिदोवमस्स संखेजदिभागो। जं तं माणसंतकम्ममुदयावलियाए समयूणाए तं मायाए त्थिवुक्कसंकमेण उदए विपच्चिहिदि ।
'जे माणसंजलणस्स दोण्हमावलियाणं दुसमयूणाणं समयपबद्धा अणुवसंता ते गुणसेढीए उवसामिज्जमाणा दोहिं आवलियाहिं दुसमयूणाहिं उवसामिजिहिंति । जं पदेसग्गं मायाए संक्रमदितं विसेसहोणाए सेढीए संकमदि। एसा परवशा मायाए पढमसमग-उबसामगस्स । एत्तो हिदिखंडयसहस्साणि बहूणि गदाणि। तदो मायाए पढमहिदीए तिसु आवलियासु समयूणासु सेसासु दुविहा माया मायासंजलणे ण संछुह दि, लोहसंजलणे च संछुहदि । पडिआवलियाए सेसाए आगालपडिआगालो वोच्छिण्णो ।
समयाहियाए आवलियाए सेसाए मायाए चरिमसमय-उवसामगो मोत्तण दो आवलियबंधे समयूणे । ताधे माया-लोभसंजलणाणं हिदिबंधो मासो । सेसाणं कम्माणं हिदिबंधो संखेजाणि वस्साणि । तदो से काले मायासंजलणस्स बंधोदया वोच्छिण्णा । मायासंजलणस्स पढमहिदीए समयूणा आवलिया सेसा स्थिवुक्कसंकमेण लोभे विपच्चिहिदि ।
ताघे चेव लोभसंजलणमोकडियूण लोभस्स पढमट्ठिदिं करेदि । एत्तो पाए जा लोभवेदगद्धा होदि तिस्से लोभवेदगद्धाए वे-त्तिभागा एत्तियमेत्ती लोभस्स पढमट्ठिदी कदा। 'ताधे लोभसंजलणस्स हिदिबंधो मासो अंतोमुहुत्तण ऊणो । सेसाणं कम्माणं ट्ठिदिबंधो संखेज्जाणि वस्साणि । तदो संखेजेहिं हिदिबंधसहस्सेहिं गदेहि तिस्से लोभस्स पढमहिदीए अद्धं गदं । तदो अद्धस्स चरिमसमए लोहसंजलणस्स हिदिबंधो दिवसपुधत्तं । सेसाणं कम्माणं द्विदिबंधो वस्ससहस्सपु धत्तं । ताधे पुण फद्द यगदं संतकम्म ।
से काले विदियतिभागस्स पढमसमए लोभसंजलणाणुभागसंतकम्मस्स जं जहण्णफद्दयं तस्स हेढदो अणुभागकिट्टीओ करेदि । तासिं पमाणमेगफद्दयवग्गाणाणमणंतभागो। पढमसमए बहुआओ किट्टीओ कदाओ।सेकाले अपुवाओ.असंखेज्जगुणहीणाओ। एवं जाव विदियस्स तिभागस्स चरिमसमओ त्ति असंखेजगुणहीणाओ। 'जं पढमसमए पदेसग्गं किट्टीओ करेंतेण किट्टीसु णिक्खित्तं तं थोवं। से काले असंखेजगुणं । एवं जाव चरिमसमयो त्ति असंखेजगुणं । ''पढमसमए जहणियाए छिपीए पदेसग्गं बहुअं। विदियाए पदेसग्गं विसेसहीणं । एवं जाव चरिमाए किदीए पदेसग्गं तं विसेसहीणं । विदियसमए जहणियाए किट्टीए पदेसग्गमसंखेजगुणं । विदियाए विसेसहीणं । एवं जाव ओघुक्कस्सियाए विसेसहीणं । "जहा विदियसमए वहा सेसेसु समएसु । .
तिव्व-मंददाए जहणिया किट्टी थोवा। विदियकिट्टी अणंतगुणा । तदिया किट्टी अणंतगुंणा । एवमणंतगुणाए सेढीए. गच्छदि जाव चरिमकिट्टि त्ति । "एसोविदियतिभागो किट्टीकरणद्ध णाम । किट्टीकरणद्धासंखेज्जेसु भागेसु गदेसुलोभसंजलणस्स अंतोमुहुत्तहिदिगो बंधो। "तिण्हं घादिकम्माणं हिदिबंधो दिवसपुधत्तं । जाव किट्टीकरणद्धाए दुचरिमो हिदिबंधो ताधे
. (१) पृ. ३००। (२) पृ. ३०१ । (३) पृ. ३०२। (४) पृ. ३०३ । (५) पृ. ३०४ । (६) पृ. पृ. ३०५ । (७) पृ. ३०६ । (८) पृ. ३०७ । (९) पृ. ३०८ । (१०) पृ. ३०९। (११) पृ. ३१० । (१२) पृ. ३१२ । (१३) पृ. ३१४ । (१४) पृ. ३१५ । (१५) पृ. ३१६ ।
| SR No. | 090225 |
| Book Title | Kasaypahudam Part 13 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 402 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 13 MB |