Page Text
________________
परिसिट्ठाणि
५२७ १एत्तो जहण्णयं । मिच्छत्तस्स जहण्णाणुभागसंकामओ को होइ ? सुहुमस्स हदसमुप्पत्तियकम्मेण अणदरो । २एइंदिओ वा वेइदिओ वा तेइंदिओ वा चउरिदिओ वा पंचिंदिओ वा । ३एवमट्टगं कसायाणं । सम्मत्तस्स जहण्णाणुभागसंकामओ को होइ ? समयाहियावलियअक्खीणदंसणमोहणीओ । ४सम्मामिच्छत्तस्स जहण्णाणुभागसंकामओ को होइ ? चरिमाणुभागखंडयं संछुहमाणओ। अणंताणुबंधीणं जहण्णाणुभागसंकामओ को होइ ? विसंजोएदूण पुणो तप्पाओग्गविसुद्धपरिणामेण संजोएगावलियादीदो । ५कोहसंजलणस्स जहण्णाणुभागसंकामओ को होइ ? चरिमाणुभागबंधस्स चरिमसमयअणिल्लेवगो । एवं माण-मायासंजलण-पुरिसवेदाणं । लोहसंजलणस्स जहण्णाणुभागसंकामओ को होइ ? समयाहियावलियचरिमसमयसकसाओ खरगो। इत्थिवेदस्स जहण्णाणुभागसंकामओ को होइ ? इत्थिवेदक्खवगो तस्सेव चरिमाणुभागखंडए वट्टमाणओ । ७णसयवंदस्स जहण्णाणुभागसंकामओ को होइ ? णqसयवेदक्खवगो तस्सेव चरिमे अणुभागखंडए वट्टमाणओ । छण्णोकसायाणं जहण्णाणुभागसंकामओ को होइ ? खरगो तेसिं चेय छण्णोकसायवेदणीयाणं चरिमे अणुभागखंडए वट्टमाणओ।
एयजीवेण कालो। मिच्छत्तस्स उकस्साणुभागसंकामओ केत्रचिरं कालादो होदि ? जहण्णु कस्सेण अंतोमुहुत्तं । अणुकस्साणुभागसंकामओ केवचिरं कालादो होदि ? जहण्णेण अंतोमुहुत्तं । उक्कस्सेण अणंतकालमसंखेजा पोग्गलपरियट्टा। एवं सोलसकसाय-णवणोकसायाणं। सम्मत्त-सम्माच्छित्तोणमुक्कस्साणुभागसंकामओ केवचिरं कालादो होदि ? जहण्णेण अंतोमुहुत्तं । १०उक्कस्सेण वेछावद्विसागरोवमाणि सादिरेयाणि । अणुकस्साणुभागसंकामओ केवचिरं कालादो होदि ? जहण्णुक्कस्सेण अंतोमुहुत्तं ।
११एत्तो एयजीवेण कालो जहण्णओ। मिच्छत्तस्स जहण्णाणुभागसंकामओ केवचिरं कालादो होदि ? जहण्णुकस्सेण अंतोमुहुत्तं । १२अजहण्णाणुभागसंकाम। केवचिरं कालादो होदि ? जहण्णेण अंतोमुहुत्तं । उकस्सेण असंखेजा लोगा । एवमट्टकसायाणं। सम्मत्तस्स जहण्णाणुभागसंकामओ केवचिरं कालादो होदि ? १३जहणुकस्से एयसमओ । अजहण्णाणुभागसंकामओ केवचिरं कालादो होदि ? जहण्णेण अंतोमुहुत्तं । उकस्सेण वेछावहिसागरोबमाणि सादिरेयाणि । एवं सम्मामिच्छत्तस्स । १४णवरि जहाणाभागसंकामओ केवचिरं कालादो होदि ? जहण्णुकस्सेण अंतोमुहुत्तं । अणंतागणुरंधीणं जहण्णाणुभागसंकामओ केवचिरं कालादो होदि ? जहण्णुकस्सेण एयसमओ । अजह
(१) पृ० ३० । (२) पृ० ३१ । (३) पृ० ३२ । (४) पृ० ३३ । (५) पृ० ३५ । (६) पृ०३६ । (७) पृ० ३७ । (८) पृ० ३६ । (६) पृ० ४० । (१०) पृ० ४१ । (११) पृ. ४२ । (१२)पृ० ४३ । (/१३) ० ४४ । (१४) पृ० ४५ ।
| SR No. | 090221 |
| Book Title | Kasaypahudam Part 09 |
| Original Sutra Author | Gundharacharya |
| Author | Fulchandra Jain Shastri, Kailashchandra Shastri |
| Publisher | Bharatvarshiya Digambar Jain Sangh |
| Publication Year | 2000 |
| Total Pages | 590 |
| Language | Hindi, Sanskrit |
| Classification | Book_Devnagari, Karma, & Religion |
| File Size | 19 MB |