________________
५२६
जयधवलासहिदे कसायपाहुडे याणि फद्दयाणि ण ओंकड्डिजति । १अण्णाणि अणंताणि फद्दयाणि जहण्णणिक्खेवमेत्ताणि च ण ओकड्डिज्जंति । जहण्णओ णिक्खेवो जहण्णिया अइच्छावणा च तेत्तियमेवाणि फद्दयाणि आदीदो अधिच्छिद्ण तदित्थफद्दयमोकड्डिज्जइ । रतेण परं सव्वाणि फद्दयाणि ओकड्डिज्जंति । एत्थ अप्पाबहुआ। ३सव्वत्थोवाणि पदेसगुणहाणिट्ठाणतरफद्दयाणि । जहण्णओ णिक्खेवो अंणतगुणो। जहणिया अइच्छावणा अणंतगुणा । उक्कस्सयमणुभागकंडयमणंतगुण । उक्कस्सिया अइच्छावणा एगाए वग्गणाए ऊणिया । ४उक्कस्सणिक्खेवो विसेसाहियो । ५उक्स्सो बंधो विसेसाहिओ।
६उक्कड्डणाए परूवणा। चरिमफद्दयं ण उक्कडिज्जदि । दुचरिमफद्दयं ण उक्कड्डिअदि । एवमणंताणि फद्दयाणि ओसक्किऊण तं फद्दयमुक्कड्डिजदि । सव्वत्थोवो जहण्णओ णिक्खयो । जहणिया अइच्छावणा अणंतगुणा । उक्कस्सओ णिक्खेवो अणंतगुणो। उक्स्सओ बंधो विसेसाहिओ। ७ओकड्डणादो उक्कड्डणादो च जहणिया अइच्छोवणा तुल्ला । जहण्णओ णिक्खवो तुल्लो।
__एदेण अट्ठपदेण मूलपयडिअणुभागसंकमो। तत्थ च तेवीसमणिओगदौराणि सण्णा जाव अप्पाबहुए ति २३ । भुजगारो पदणिक्खेवो वढि ति भाणिदव्यो ।
दो उत्तरपयडिअणुभागसंकमं चउवीसअणिओगद्दारेहि वत्तइस्सामो । तत्थ पुज्यं गमणिज्जा घादिसण्णा च ठाणसण्णा च । सम्मत्त-चदुसंजलण-पुरिसवेदाणं मोत्तण सेसाणं कम्माणमणुभागसंकमो णियमा सव्वघादी वेढाणिओ वा तिहाणिओ वा चउद्याणिओ वा । १०णवरि सम्मामिच्छत्तस्स वेढाणिओ चे । अक्खवग-अणुवसामगस्स चदुसंजलण-पुरिसवेदाणमणुभागसंकमो मिच्छत्तभंगो। ११खवगुवसामगाणमणुभागसंकमो सव्वघादी वा देसघादी वा वेढाणिओ वा एयट्ठाणिओ वा । सम्मत्तस्स अणुभागसंकमो णियमा देसघोदी । १२एयट्ठाणिओ वेढागिओ वा ।
१३सामित्तं । मिच्छत्तस्स उकस्साणुभागसंकमो कस्स ? उकस्साणुभागं बंघिदगावलियपडिभग्गस्स अण्णदरस्स । १४एवं सन्चकम्माणं । णवरि सम्मत्त-सम्मामिच्छत्ताणमुक्कस्साणुभागसंकमो कस्स १ १५दंस गमोहणीयक्खवयं मोत्तण जस्स संतकम्ममत्थि तस्स उकस्सोणुभागसंकमो।
(१) पृ० ५। (२) पृ० ६ । (३) पृ०७। (४) पृ०८ । (५) पृ०६ । (६) पृ० १० । (७) पृ० ११ । (८) पृ० २० । (६ ) पृ०२१ । (१०)१३ पृ० २२ । (११) पृ० २३ । (१२ पृ० ( २४ । ( १३ ) पृ० २७ । (१४) पृ० २८ । (१५) पृ० २६ ।
