Agam 13 Rajprashniya Gujarati Translation

SR No.: 035614
Original Sutra Author: N/A
Author: Dipratnasagar, Deepratnasagar
Publisher: Dipratnasagar, Deepratnasagar
Publication Year: 2020
Total Pages: 64
Language: Gujarati
Classification: Book_Devnagari, Book_Gujarati, & agam_rajprashniya
File Size: 3 MB

Page 14

આગમસૂત્ર 13, ઉપાંગસૂત્ર 2, રાજપ્રશ્નીયા ત્યારપછી તે સૂર્યાભદેવ તે દિવ્ય યાનવિમાનમાં બેઠા પછી આગળ આઠ-આઠ મંગલો અનુક્રમે ચાલ્યા. તે આ -સ્વસ્તિક, શ્રીવત્સ યાવત્ દર્પણ. ત્યારપછી પૂર્ણકળશ, ભંગાર, ચામર સહિત દિવ્ય છત્ર, પતાકા, ગગનતલને સ્પર્શતી અતિ સુંદર, આલોક દર્શનીય અને વાયુથી ફરફરતી એક ઘણી ઊંચી વિજય-વૈજયંતિ પતાકા અનુક્રમે આગળ ચાલી. ત્યારપછી વૈડૂર્યરત્નના દીપતા નિર્મણ દંડવાળો, લટકતા કોરંટ પુષ્પની માલાથી સુશોભિત, ચંદ્રમંડલ સમાન, ઊંચા વિમલ આતપત્ર અને અનેક કિંકર દેવો દ્વારા વહન કરાઈ રહ્યું હતું. મણિરત્નોથી બનેલ વેલાથી શોભિત, બે પાદુકા યુક્ત પાદપીઠ સહિત ઉત્તમ સિંહાસન અનુક્રમે આગળ ચાલ્યું. ત્યારપછી વજરત્ન નિર્મિત વર્તુળાકાર, મનોજ્ઞ, સંસ્થિત, સુશ્લિષ્ટ,ઘસીને સુંવાળા કરેલા, માંજીને સ્વચ્છ કરેલા, સુપ્રતિષ્ઠિત, વિશિષ્ટ અને બીજી ઘણી મનોરમ, નાની-મોટી અનેક પ્રકારની રંગબેરંગી પંચવર્ણી ધ્વજાઓથી પરિમંડિત, વાયુવેગથી ફરકતી વિજય વૈજયંતિ પતાકા, છત્રાતિછત્રથી યુક્ત, આકાશ મંડલને સ્પર્શતો, 1000 યોજન ઊંચો, મોટો ઇન્દ્રધ્વજ અનુક્રમે ચાલ્યો. ત્યારપછી સુરૂપ વેશભૂષા કરીને સુસજ્જિત, સર્વાલંકાર ભૂષિત, મહાન સુભટ સમુદાયોને સાથે લઈને પાંચ સેનાપતિઓ અનુક્રમે આગળ ચાલ્યા. ત્યારપછી ઘણા આભિયોગિક દેવો-દેવીઓ પોત-પોતાની યોગ્ય, વિશિષ્ટ વેશભૂષા અને વિશેષતાદર્શક પોત-પોતાના ચિહ્નોથી સજ્જ થઈને પોત-પોતાના પરીકર, નેજાદિથી આગળ અનુક્રમે ચાલ્યા. ત્યાર પછી સૂર્યાભ વિમાનવાસી ઘણા વૈમાનિક દેવો અને દેવીઓ સર્વ ઋદ્ધિ યાવત્ રૂપથી સૂર્યાભદેવની આગળ, પાછળ, બંને બાજુએ અનુસરે છે. સૂત્ર-૧૭ થી 19 17. ત્યારે તે સૂર્યાભદેવ તે પાંચ અનિકાધિપતિ વડે પરિરક્ષિત વજરત્નમયી ગોળ, મનોજ્ઞ સંસ્થાનવાળા. યાવત્ 1000 યોજન લાંબા, અત્યંત ઊંચા મહેન્દ્રધ્વજને આગળ કરીને તે સૂર્યાભદેવ 4000 સામાનિક યાવત્. 16,000 આત્મરક્ષક દેવો અને બીજા ઘણા સૂર્યાભવિમાનવાસી વૈમાનિક દેવો અને દેવીઓ સાથે સંપરિવૃત્ત થઈ, સર્વઋદ્ધિ યાવત્ રવથી સૌધર્મકલ્પના મધ્યેથી તે દિવ્ય દેવદ્ધિ, દિવ્ય દેવઘુતિ, દિવ્ય દેવાનુભાવ દેખાડતાદેખાડતા, અવલોકન કરતા-કરતા, જે સૌધર્મકલ્પના ઉત્તરના નિર્માણમાર્ગ પાસે આવ્યા. ત્યાં આવીને એક લાખ યોજન વેગવાળી યાવતુ ઉત્કૃષ્ટ દિવ્ય દેવગતિથી તિર્જા અસંખ્યાત દ્વીપસમુદ્રની મધ્યેથી જતા-જતા જે નંદીશ્વર દ્વીપમાં જે દક્ષિણ-પૂર્વીય રતિકર પર્વત પાસે આવ્યા, આવીને તે દિવ્ય દેવઋદ્ધિ યાવત્ દિવ્ય દેવાનુભાવને સંહરતા-સંહરતા, સંક્ષેપતા-સંક્ષેપતા જે જંબુદ્વિીપમાં જ્યાં ભરતક્ષેત્રમાં જ્યાં આમલકલ્પા નગરી, જ્યાં આમ્રપાલવન ચૈત્યમાં, જ્યાં શ્રમણ ભગવન્ મહાવીર હતા ત્યાં આવ્યા. આવીને ભગવંત મહાવીરને તે દિવ્ય યાન-વિમાનથી ત્રણ વખત આદક્ષિણ પ્રદક્ષિણા કરી. પછી શ્રમણ ભગવનું મહાવીરના ઈશાન દિશામાં તે દિવ્ય યાનવિમાનને કંઈક ચાર અંગુલ ધરણીતલથી ઉપર સ્થાપે છે, સ્થાપીને સપરિવાર ચાર અગ્રમહિષીઓ, બે અનિકાધિપતિઓ-ગંધર્વાનિક અને નૃત્યાનીકથી પરીવરીને તે દિવ્ય યાનવિમાનના પૂર્વ દિશાના ટિસોપાન પ્રતિરૂપકથી નીચે ઊતર્યા. ત્યારે તે સૂર્યાભદેવના 4000 સામાનિકો, તે દિવ્ય યાનવિમાનના ઉત્તરીય ટિસોપાન પ્રતિરૂપકથી નીચે ઊતર્યા, બાકીના દેવો અને દેવીઓ, તેના દક્ષિણી ત્રિસોપાનકથી નીચે ઊતર્યા. ત્યારે તે સૂર્યાભદેવ ચાર અગ્રમહિષી યાવત્ સોળ હજાર આત્મરક્ષકો તથા બીજા ઘણા સૂર્યાભ વિમાનવાસી વૈમાનિક દેવો અને દેવી સાથે સંપરિવૃત્ત થઈને યાવત્ નાદિત રવથી શ્રમણ ભગવનું મહાવીર પાસે આવ્યા. આવીને શ્રમણ ભગવદ્ મહાવીરને ત્રણ વખત આદક્ષિણ-પ્રદક્ષિણા કરે છે. કરીને વાંદે છે, નમે છે. વાંદી મુનિ દીપરત્નસાગર કૃત “(રાજપ્રશ્નીય) આગમસૂત્ર ભાવાનુવાદ Page 14