________________ આગમસૂત્ર 9, અંગસૂત્ર 9, અનુત્તરોપપાતિકદશા પહેલા પાંચનો પર્યાય-૧૬ વર્ષ પછીના ત્રણનો બાર વર્ષનો, છેલ્લા બેનો પાંચ વર્ષ છે. પહેલા પાંચની ઉત્પત્તિ અનુક્રમે વિજય, વૈજયંત, જયંત, અપરાજિત, સર્વાર્થસિદ્ધમાં, દીર્ઘદંતની સર્વાર્થસિદ્ધમાં, બાકીના ચારની ઉલટા ક્રમથી જાણવી. બાકી બધું પહેલા અધ્યયન માફક કહેવું. રાજગૃહે શ્રેણિક રાજા અને નંદા રાણીનો પુત્ર અભયકુમાર હતો, તેટલું વિશેષ. બાકી પૂર્વવત્. હે જંબૂ! ભગવંતે પહેલા વર્ગનો અર્થ આ પ્રમાણે કહેલો છે. વર્ગ-૧ નો મુનિ દીપરત્નસાગરે કરેલ ગુજરાતી અનુવાદ પૂર્ણ વર્ગ-૨, અધ્યયન-૧ થી 13 સૂત્ર-૩ થી 5 3. ભંતે ! જો શ્રમણ યાવતુ સિદ્ધિપ્રાપ્ત ભગવંત મહાવીરે અનુત્તરોપપાતિક દશાના પહેલા વર્ગનો આ અર્થ કહ્યો છે, તો અનુત્તરોપપાતિક દશાના બીજા વર્ગનો ભગવંતે શો અર્થ કહ્યો છે? હે જંબૂ ! અનુત્તરોપપાતિક દશાના બીજા વર્ગના ૧૩-અધ્યયનો ભગવંતે કહ્યા છે. તે આ પ્રમાણે - 4. દીર્ધસેન, મહાસેન, લષ્ટદંત, ગૂઢદંત, શુદ્ધદંત, હલ્લ, દ્રુમ, દ્રુમસેન, મહાદ્રુમસેન. 5. સિહ, સિહસેન, મહાસિકસેન, પુણ્યસેન. આ તેર અધ્યયનો કહ્યા છે. સૂત્ર-૬ ભંતે ! શ્રમણ યાવત્ સિદ્ધિ પ્રાપ્ત ભગવંત મહાવીરે અનુત્તરોપપાતિકના બીજા વર્ગના ૧૩-અધ્યયનો કહ્યા છે, તો બીજા વર્ગના પહેલા અધ્યયનનો યાવત્ શો અર્થ કહ્યો છે? ધારિણી દેવીએ સ્વપ્નમાં સિંહ જોયો. જાલિકુમારની માફક જન્મ, બાલ્યાવસ્થામાં કળા શીખી. વિશેષ એ કે - તેનું નામ દીર્ધસેન કુમાર રાખ્યું. બાકી બધી વક્તવ્યતા જાલિકુમાર મુજબ કહેવી યાવતુ સર્વ દુખોનો અંત કરશે. આ જ પ્રમાણે તેરે કુમારોના અધ્યયનો કહેવા. બધામાં શ્રેણિક પિતા, ધારિણી માતા અને તેરેનો ૧૧-વર્ષનો પર્યાય કહેવો. અનુક્રમે બે વિજય વિમાને, બે વૈજયંત વિમાને, બે જયંત વિમાને, બે અપરાજિતે અને બાકીના મહાદ્રુમસેન આદિ પાંચ સર્વાર્થસિદ્ધે ઉત્પન્ન થયા. હે જંબૂ! નિશ્ચ શ્રમણ ભગવંત મહાવીરે અનુત્તરોપપાતિકદશાના બીજા વર્ગનો આ અર્થ કહ્યો છે. બંને વર્ગમાં માસિકી સંલેખના જાણવી. વર્ગ-૨ નો મુનિ દીપરત્નસાગરે કરેલ ગુજરાતી અનુવાદ પૂર્ણ મુનિ દીપરત્નસાગર કૃત્ “(અનુત્તરોપપાતિકદશા)” આગમસૂત્ર ભાવાનુવાદ Page 7
