Page Text
________________ આગમસૂત્ર 9, અંગસૂત્ર 9, અનુત્તરોપપાતિકદશા [9] અનુત્તરોપપાતિકદશા અંગસૂત્ર-૯ ગુજરાતી ભાવાનુવાદ વર્ગ-૧ અધ્યયન-૧ જાલી. સૂત્ર-૧ તે કાળે, તે સમયે રાજગૃહ નામે નગર હતું. આર્ય સુધર્માસ્વામી પધાર્યા, પર્ષદા નીકળી. યાવત્ જંબૂસ્વામી. પર્યુપાસના કરતા કહે છે - ભંતે ! શ્રમણ યાવત્ સિદ્ધિપ્રાપ્ત ભગવંત મહાવીરે આઠમાં અંગસૂત્ર અંતકૃદ્દશાનો આ અર્થ કહ્યો છે, તો નવમાં અંગસૂત્ર અનુત્તરોપપાતિકદશાનો યાવત્ સિદ્ધિપ્રાપ્ત ભગવંત મહાવીર શો અર્થ કહ્યો છે ? સુધર્માસ્વામીએ જંબૂ અણગારને કહ્યું- હે જંબૂ ! ભગવંત મહાવીરે અનુત્તરોપપાતિકદશાના ત્રણ વર્ગો કહ્યા છે ભંતે ! ભગવંત મહાવીરે અનુત્તરોપપાતિકદશાના ત્રણ વર્ગો કહ્યા છે, તો ભંતે ! અનુત્તરોપપાતિકદશાના પહેલા વર્ગના કેટલા અધ્યયન કહ્યા છે? જંબૂ ! પહેલા વર્ગના દશ અધ્યયનો કહ્યા છે. તે આ - જાલિ, મયાલિ, ઉપજાલિ, પુરુષસેન, વારિષણ, દીર્ઘદંત, લષ્ટદંત, વેહલ, વેહાયસ, અભયકુમાર. ભંતે ! જો પહેલા વર્ગના દશ અધ્યયનો કહ્યા, તો પહેલા અધ્યયનનો ભગવંતે શો અર્થ કહ્યો છે ? હે જંબૂ ! તે કાળે, તે સમયે રાજગૃહ નામે ઋદ્ધિવાળુ, નિર્ભય, સમૃદ્ધ નગર હતું. ગુણશીલ ચૈત્યહતું, શ્રેણિક રાજા હતા, ધારિણી રાણી હતા, કોઈ વખતે ધારિણીએ સ્વપ્નમાં સિંહ જોયો, સ્વપ્ન જોઇને જાગૃત થઇ યાવત પુત્રનો જન્મ થયો. તેનું જાલીકુમાર એવું નામ પાડ્યું. જાલિકુમારનું સર્વ વર્ણન મેઘકુમારની જેમ કહેવું. આઠ કન્યા સાથે લગ્ન, આઠ-આઠનો દાયજો, યાવત્ જાલિકુમાર ઉપરના પ્રાસાદમાં વિચરે છે. ભગવંત મહાવીર સ્વામી પધાર્યા, શ્રેણિક નીકળ્યો, મેઘકુમારની જેમ જાલિકુમાર પણ નીકળ્યો, તે રીતે જ દીક્ષા લીધી, ૧૧–અંગ ભયો, ગુણરત્ન તપ કર્યુ, એ પ્રમાણે સ્કંદકની વક્તવ્યતા મુજબ જાણવુ. સ્કંદક જેવી જ વિચારણા કહેવી, ભગવંતને પૂછવું. સ્થવિરો સાથે વિપુલ પર્વત ચડવું. વિશેષ એ કે જાલી આણગાર 16 વર્ષનો શ્રામય પર્યાય પાળીને કાળ માસે કાળ કરીને, ચંદ્રાદિ વિમાન, સૌધર્મ-ઈશાન, યાવત્ આરણ-અય્યત કલ્પ, નવ રૈવેયક વિમાન પ્રસ્તટથી પણ ઉપર દૂર જઈને વિજય નામક અનુત્તર વિમાને દેવપણે ઉત્પન્ન થયા. ત્યારે તે સ્થવિરોએ જાલિ અણગારને કાલગત જાણી પરિનિર્વાણ નિમિત્તે કાયોત્સર્ગ કરીને, પાત્ર-વસ્ત્ર ગ્રહણ કર્યા, તે જ પ્રમાણે નીચે ઊતર્યા યાવતુ આ તેમના ઉપકરણો એમ ભગવંતને કહ્યું. ગૌતમસ્વામીએ પૂછ્યું - ભગવનું આપના શિષ્ય જાલિ અણગાર, પ્રકૃતિ ભદ્રક હતા તે કાળ કરીને ક્યાં. ગયા? ક્યાં ઉપજ્યા ? હે ગૌતમ ! મારા શિષ્ય, સ્કંદકમુનિની માફક કાળ કરીને ચંદ્રાદિ વિમાનોથી ઊંચે યાવત્ વિજય વિમાને દેવપણે ઉપજ્યા. ભગવન્! જાલિ દેવની કેટલી કાળ સ્થિતિ છે ? ગૌતમ ! ૩૨-સાગરોપમ. ભંતે. તે દેવલોકથી આયુ આદિ ક્ષયથી ક્યાં જશે? ગૌતમ ! મહાવિદેહ ક્ષેત્રે સિદ્ધિ પામશે. હે જંબૂ શ્રમણ ભગવંતે અનુત્તરોપપાતિકના પહેલા વર્ગના પહેલા અધ્યયનનો આ અર્થ કહ્યો છે. વર્ગ-૧, અધ્યયન-૨ થી 8 સૂત્ર-૨ એ જ પ્રમાણે બાકીના નવે અધ્યયનો કહેવા. વિશેષ એ કે - નવ કુમારોમાં, મયાલી આદિ સાત ધારિણીના પુત્રો હતા અને વેહલ-વેડાયસ, એ બંને ચેલણાના પુત્રો હતા, મુનિ દીપરત્નસાગર કૃત્ “(અનુત્તરોપપાતિકદશા)” આગમસૂત્ર ભાવાનુવાદ Page 6
| SR No. | 035610 |
| Book Title | Agam 09 Anuttaropapatik Dasha Gujarati Translation |
| Original Sutra Author | N/A |
| Author | Dipratnasagar, Deepratnasagar |
| Publisher | Dipratnasagar, Deepratnasagar |
| Publication Year | 2020 |
| Total Pages | 16 |
| Language | Gujarati |
| Classification | Book_Devnagari, Book_Gujarati, & agam_anuttaropapatikdasha |
| File Size | 2 MB |