________________
७९
परि द्वितीयमाच्छादनं यस्य तत्तथा, तत उपरि रित्तंसुयसंवुडे' इति रक्तांशुकेन-अतिरमणीयेन रक्तेन वस्त्रेण संवृतम् - आच्छादितमत एव सुरम्यं, 'पासाइए दरिसणिज्जे अभिरूवे पडिरूवे' इति प्राग्वत् ॥ ___ तस्स णं सिंहासणस्स उवरि एत्थ णं महेगं विजयसं विउव्वंति, संखंककुंददगरयअमयमहियफेणपुंजसंनिगासं सबरयणामयं अच्छं सण्हं पासादीयं दरिसणिज्ज अभिरुवं पडिरुवं । तस्स णं सीहासणस्स उवरिं विजयदूसस्स य बहुमज्झदेसभागे एत्य णं महं एगं वयरामयं अंकुसं विउव्वंति, तस्सि च णं वयरामयंसि अंकुसंसि कुंभिके मुत्तादामं विउव्वंति। से णं कुंभिक्के मुत्तादामे अन्नेहिं चरहिं अद्धकुंभिकेहि मुत्तादामेहिं तदद्धृच्चत्तपमाणेहिं सबओ समंता संपरिखित्ते । तेणं दामा तवणिज्जलंबूसगा सुवण्णपयरगमंडियग्गा णाणामणिरयणविविहहारद्धहारउपसोभियसमुदाया ईसिं अण्णमण्णमसंपत्ता वाएहिं पुव्वावरदाहिणुत्तरागएहिं मंदाय मंदाय एइज्जमाणाणि २ पलंबमाणाणि २ पेज्जंज [पज्झंझ ] माणाणि २ उरालेण मणुनेणं मणहरेणं कण्णमणणिव्वुइकरेणं सद्देणं ते पएसे सबओ समंता आपूरेमाणा सिरीए अईव २ उवसोभेमाणा चिट्ठति । तए णं से आमिओगिए देवे तस्स सिंहासणस्स अवरुत्तरेणं उत्तरेणं उत्तरपुरथिमेणं एत्य णं सूरियाभस्स देवस्स चउण्हं सामाणयसाहस्सीणं चत्तारि भद्दासणसाहस्सीओ विउव्वइ । तस्स णं सीहासणस्स पुरत्थिमेणं एत्थ णं सूरियाभस्स देवस्स चउण्हं अग्गमहिसीणं सपरिवाराणं चत्तारि भदासणसाहस्सीओ
Shree Sudharmaswami Gyanbhandar-Umara, Surat
www.umaragyanbhandar.com
