________________
२ ता णिहयरयं णटरयं भट्टरगं उवसंतरयं पसंतरयं करेंति, २ ता खिप्पामेव उवसामंति २त्ता तच्चपि वेउब्वियसमुग्घा. एणं समोहणंति २ ता पुप्फबद्दलए विउव्वंति, से जहाणामए मालागारदारए सिया तरुणे जाव सिप्पोवगए एगं महं पुष्फपडलगं वा पुप्फचंगेरियं वा पुप्फछन्जियं वा गहाय रायंगणं वा जावं सचओ समंता कयग्गाहगहियकरयलपन्भविष्पमुक्केणं दसद्धवण्णेणं कुसुमेणं मुक्कपुप्फपुंजोवयारकलियं करेजा, एवा. मेव ते सरियाभस्स देवस्स आभियोगिया देवा पुष्फवद्दलए विउव्वंति २ ता खिप्पामेव पयणुतणायन्ति २ ता जाव जोयगपरिमण्डलं जलथलयभासुरप्पभूयस्स बिंटट्ठाइस्स दसद्धवण्णकुसुमस्स जाणुस्सेहपमाणमेत्तिं ओहिवासं वासंति कालागुरुपवरकुंदुरुक्कतुरुक्कधूवमघमघंतगंधुद्व्याभिरामं सुगंधवरगंधियं गंधवट्टिभूयं दिव्वं सुरवराभिगमणजोगं करेंति कारयंति २ ता य खिप्पामेव उवसामंति २ ता जेणेव समणे भगवं महावीरे तेणेव उवागच्छंति २ त्ता समणं भगवं महावीरं तिक्खुत्तो जाव वंदित्ता नमंसित्ता समणस्स भगवओ महावीरस्स अंतियाओ अंबसालवणाओ चेइयाओ पडिनिक्खमंति २ ताए उकिटाए जाव वीइवयमाणे २ जेणेव सोहम्मे कप्पे जेणेव सूरियाभे विमाणे जेणेव सभा सुहम्मा जेणेव मूरियाभे देवे तेणेव उवागच्छंति २ ता मूरियाभं देवं करयलपरिग्गहियं सिरसावत्तं मस्यए अंजलिं कट्ट जएणं विजएणं वद्धाति २ त्ता तमाणत्तियं पञ्चप्पिणंति । (सू० १०)
Shree Sudharmaswami Gyanbhandar-Umara, Surat
www.umaragyanbhandar.com
