________________
२०६
भिसेयं करेइ २ आयंते चोक्खे परमसुईभूए हरयाओ पञ्चोत्तरइ २ जेणेव अभिसेयसभा तेणेव उवागच्छइ २ ता अभिसेयसभं अणुपयाहिणीकरेमाणे० २ पुरथिमिल्लेणं दारेणं अणुपविसइ २ जेणेव सीहासणे तेणेव उवागच्छइ २ सीहासणवरगए पुरत्थाभिमुहे सनिसणे । तए णं रियाभस्स देवस्स सामाणियपरिसोववनगा देवा आभिओगिए देवे सद्दावेंति २ त्ता एवं वयासी-खिप्पामेव भो देवाणुप्पिया ! मूरियाभस्स देवस्स महत्थं महग्धं महरिहं विउलं इंदाभिसेयं उवट. वेह । तए णं ते आभिओगिआ देवा सामाणियपरिसोववन्नेहि देवेहिं एवं वुत्ता समाणा हट्ठा जाव हियया करयलपरिग्गहियं सिरसावत्तं मत्थए अंजलि कट्ट 'एवं देवो तहत्ति' आणाए विणएणं वयणं पडिसुगंति, २ ता उत्तरपुरस्थिमं दिसीभागं अवक्कमंति, २ ता वेउब्वियसमुग्याएणं समोहणंति २ त्ता संखेजाई जोयणाई जाव दोचंपि वेउन्वियसमुग्याएणं समोहणित्ता अट्ठसहस्सं सोवनियाणं कलसाणं १ अट्ठसहस्सं रुप्पमयाणं कलसाणं २ अट्ठसहस्सं मणिमयाणं कलसाणं ३ अट्ठसहस्सं सुवण्णरुप्पमयाणं कलसाणं ४ अट्ठसहस्सं सुवण्णमणिमयाणं कलसाणं ५ अट्ठसहस्सं रुप्पमणिमयाणं कलसाणं ६ अट्ठसहस्सं सुवण्णरुप्पमणिमयाणं कलसाणं ७ अट्ठसहस्सं भोमिज्जाणं कलसाणं ८, एवं भिंगाराणं आयंसाणं थालीणं पाईणं सुपइटाणं रयणकरंडगाणं पुष्फचंगेरीणं जाव लोमहत्थचंगेरीणं पुप्फपडलगाणं जावलोमहत्थपडलगाणं छत्ताणं चामराणं तेल्लसमुग्गाणं
Shree Sudharmaswami Gyanbhandar-Umara, Surat
www.umaragyanbhandar.com
