________________
२०७
जाव अंजणसमुग्गाणं अट्ठसहस्सं धूवकडच्छुयाणं विउव्वंति, २ त्ता ते साभाविए य वेउविए य कलसे य जाव कडुच्छुए य गिण्हंति २त्ता सूरियामाओ विमाणाओ पडिनिक्खमंति २त्ता ताए उकिहाए चवलाए जाव तिरियमसंखेज्जाणं जाव वीइवयमाणे २ जेणेव खीरोदयसमुद्दे तेणेव उवागच्छंति २ त्ता खीरोयगं गिण्हंति जाई तत्तुप्पलाइं ताई गेहंति जाव सयसहस्सपत्ताई गिण्हंति २ जेणेव पुक्खरोदए समुद्दे तेणेव उवागच्छंति २ ता पुक्खरोदयं गेहंति २ ता जाई तत्थुप्पलाई सयसहस्सपत्ताई ताई जाव गिण्हंति २ ता जेणेव समयखेते जेणेव भरहेरवयाइं वासाइं जेणेव मागहवरदामपभासाई तित्थाई तेणेव उवागच्छंति २ ता तित्थोदगं गेहंति २ ता तित्थमट्टियं गेण्डति २ जेणेव गंगासिंधरत्तारत्तवईओ महानईओ तेणेव उवागच्छंति २ सलिलोदगं गेहंति २ ता उभओकूलमट्टियं गेण्हंति २ ता जेणेव चुल्लहिमवंतसिहरीवासहरपन्चया तेणेव उवागच्छंति २ ता दगं गेहंति सन्वतुयरे सव्वपुप्फे सव्वगंधे सव्वमल्ले सव्वोसहिसिद्धत्थए गिण्हंतिरत्ताजेणेव पउमपुंडरीयदहे तेणेव उवागच्छंति २त्ता दहोदगं गेण्हंति २त्ता जाइं तत्थ उप्पलाई जाव सयसहस्सपत्ताई ताई गेहंति २त्ता जेणेव हेमवयएरवयाई वासाई जेणेव रोहियरोहियंसासुवण्णकूलरुप्पकूलाओ महाणईओ तेणेव उवागच्छंति, सलिलोदगं गेण्हंति उभओकूलमट्टियं गिहंति जेणेव सदावइवियडावइपरियागा वट्टवेयपव्वया तेणेव उवागच्छन्ति २ ता सव्वतुयरे तहेव जेणेव महाहिमवंतरुप्पिवासहरपव्वया तेणेव उवागच्छंति तहेव
Shree Sudharmaswami Gyanbhandar-Umara, Surat
www.umaragyanbhandar.com
