________________
सोलस जोयणाई आयामविखंभेणं साइरेगाई सोलस जोयणाई उड़े उच्चत्तेणं सबरयणामए जाव पडिरूवे । एत्थ णं अट्ठसयं जिणपडिमाणं निणुस्सेहप्पमागमित्ताणं संनिखितं संचिटइ। तासि णं जिणपडिमाणं इमेयारूवे वण्णावासे पण्णत्ते, तंजहा-तवणिजमया हत्थतलपायतला अंकामयाइं नक्वाइं अंतोलोहियक्खपडिसेगाई कणगामईओ जंघाओ कणगामया जाणू कणगामया ऊरु कणगामईओ गायलट्ठीओ तवणिज्जमयाओ नाभीओ रिटामइओ रोमराइओ तवणिज्जमया चुचूया तवणिज्जमया सिविच्छा सिलप्पवालमया ओट्ठा फालियामया दंता तवणिज्जमईओ जीहाओ तवणिज्जमया तालुया कणगामईओ नासिगाओ अंतोलोहियक्खपडिसेगाओ अंकामयाणि अच्छीणि अंतोलोहियक्खपडिसेगाणि रिट्ठामईओ ताराओ रिटामयाणि अच्छिपत्ताणि रिहामईओ भमुहाओ कणगामया कवोला कणगामया सवणा कणगामईओ निडालपट्टियाओ वइरामईओ सीसघडीओ तवणिजमईआ केसंतकेसभूमीओ रिट्ठामया उवरि मुदया । तासि णं जिणपडिमाणं पिट्ठी पत्तेयं २ छत्तधारगपडिमाओ पप्णत्ताओ। ताओ णं छत्तधारगपडिमाओ हिमरययकुंदेंदुप्पगासाई सकोरेंटमल्लदामाइं धवलाई आयवत्ताई सलील धारेमाणीओ २ चिट्ठति। तासि णं जिणपडिमाणं उभओ पासे पत्तेयं २ चामरधारपडिमाओ पण्णताओ। ताओ णं चामरधारपडिमाओ नानामणिकणगरयणविमलमहरिह जाव सलीलं धारेमाणीओ २ चिट्ठति । तासि णं जिणपडिमाणं पुरओ दो दो
Shree Sudharmaswami Gyanbhandar-Umara, Surat
www.umaragyanbhandar.com
