________________
वरकमलपइटाणा सुरभिवरवारिपडिपुण्णा चंदणकयच्चामा आविद्धकंठेगुणा पउमुप्पलपिहाणा सव्वरयणामया अच्छा जाब पडिरूवा महया २ इंदकुंभसमाणा पण्णत्ता समणाउसो ! तेसि णं दाराणं उभओ पासे दुहओ णिसीहियाए सोलस २ णागदंतपरिवाडीओ पण्णत्ताओ । ते णं णागदंता मुत्ताजालंतरुसियहेमजालगवक्खजालखिखिणी (घंटा) जालपरिक्खित्ता अब्भुग्गया अभिणिसिट्ठा तिरियमुसंपग्गहिया अहेपन्नगद्धरूवा पन्न. गद्धसंठाणसंठिया सव्ववयरामया अच्छा जाव पडिरूवा महया महया गयदंतसमाणा पन्नत्ता समणाउसो ! तेसु णं णागदंतएसु बहवे किण्हसुत्तबद्धवट्टवग्धारियमल्लदामकलावा णील. लोहिय० हालिद्द० मुकिलमुत्तवट्टवग्यारियमल्लदामकलावा । ते णं दामा तवणिजलंबूसगा मुवण्णपयरमंडियगा जाव कण्णमणणिव्वुइकरेणं सद्देणं ते पएसे सबओ समंता आपूरेमाणा २ सिरीए अईव २ उपसोभेमाणा चिटंति । तेसि णं णागदंताणं उवरि अन्नाओ सोलस सोलस नागदंतपरिवाडीओ पण्णत्ताओ, ते णं णागदंता तं चेव जाव महया २ गयदंतसमाणा पण्णत्ता समणाउसो ! तेसु णं णागदंतरसु बहवे रययामया सिकगा पण्णता । तेसु णं रययामएसु सिक्कएमु बहवे वेरुलियामईओ ध्रुवघडीओ पण्णत्ताओ। ताओणं धूवघडीओ कालागुरुपवरकुंदुरुकतुरुक्कधूवमघमघंतगंधुद्धयाभिरामाओ सुगंधवरगंधियाओ गंधवहिभूयाओ ओरालेणं मणुण्णेणं मणहरेणं घाणमणणिव्वुइकरेणं गंधेणं ते पएसे सन्चओ समंता जाव चिट्ठति.। तेसि
Shree Sudharmaswami Gyanbhandar-Umara, Surat
www.umaragyanbhandar.com
