________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
समुत्ताजालाकुलाभिरामे, विचित्तमणि - रयणकुट्टिमतले रमणिज्जे पहाणमंडवंसि, नाणामणिरयणभत्तिचित्तंसि ण्हाणपीढंसि सुहनिसपणे पुप्फोदएहि अ, गंधोदएहि अ, उण्होदएहि अ, सुहोदएहि अ, सुद्धोदएहि अ कल्लाणकरणपवरमज्जणविहीए मज्जिए, तत्थ कोउअसएहिं बहुवि - हेहिं कलाणगपवरमज्जणावसाणे पम्हलसुकुमालगंधकासाइअलूहिअंगे, अह य सुमहग्घदूसरयणसुसंकुडे सरससुरभिगोसीसचंदणाणुलित्तगत्ते, सुइमालावण्णगविलेवणे, आविद्धमणिसुवणे, कप्पियहार-द्धहार - तिसरयपालंब पलंबमाणकडिसुत्तसुकयसोभे, पिणद्वगेविज्जे, अंगुलिजगल - लियकयाभरणे, नानामणि- कणग-रयणवरकडग- तुडिअर्थभिअभुए, अहिअरूव सस्सिरीए कुंडउज्जोइआणणे, मउडदित्तसिरिए, हारोत्थय सुकयरइअवच्छे, मुद्दिआपिंगलंगुलीए पालं पलंबमाणसुकयपडउत्तरिज्जे, नाणामणिकणगरयणविमल महरिहनिउणोचिअमिसिमिसिंतविरइअसुसिलिट्ट-विसिट्ट-लट्ट-आविद्धवीरवलए, किं बहुणा ? कप्परुक्खए चैव अलंकिअविभूसिए नरिंदे,
For Private and Personal Use Only
