________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
नायकुलंसि साहरिए तं रयणि च णं नायकुलं हिरण्णेणं वडित्था सुवणेणं वडित्या धणेणं धन्नेणं रज्जेणं रटेणं बलेणं वाहणेणं कोसेणं कोट्ठागारेणं पुरेणं अंतेउरेणं जणवएणं जसवाएणं वद्वित्था, विपुलधणकणगरयणमणिमोत्तियसंखसिलप्पवालरत्तरयणमाइएणं संतसारसावएज्जेणं पीइसक्कारसमुदएणं अईव अईव अभिवड़ित्था ॥८५॥ तए णं समणस्स भगवओ महावीरस्स अम्मापिऊणं अयमेयारूवे अज्झथिए चिंतिए पत्थिए मणोगए संकप्पे समुप्पज्जित्था-जप्पभिई च णं अम्हं एस दारए कुच्छिसि गन्भत्ताए वकंते तप्पभिई च णं अम्हे हिरण्णेणं वडामो सुक्नेणे व० धणेणं धनेणं रज्जेणं रटेणं बलेणं वाहणेणे कोसेणं कोट्ठागारेणं पुरेणं अंतेउरेणें जणवएणं जसवारणं वडामो, विपुलधणकणगरयणमणिमोत्तियसंखसिलप्पवालरत्तरयणमाइएणं संतसारसावएज्जेणं पिइसक्कारसमुदएणं अतीव २ अभिवडामोतं जया णं अम्हं एस दारए जाए भविस्सइ तया णं अम्हे एयस्स दारगस्स एयाणुरूवं गोनं गुणनिष्फन नामधिज्जं करिस्सामो वद्धमाणो ति ॥८६॥
तए णं समणे भगवं महावीरे माउअणुकंपणहाए निचले निष्फंदे निरयणे अल्लीणपल्लीणगुत्ते या वि होत्या ॥ ८७॥ तए णं तीसे तिसलाए खत्तियाणीए अयमेयारूवे जाव समुप्पज्जित्था-हडे मे से गम्भे मडे मे से गम्भे चुए मे से गम्भे गलिए मे से गम्भे एस मे गब्भे पुब्बिं एयति इयाणिं नो एयति ति कडु ओहतमणसंकप्पा चिंतासोगसायरं संपविट्ठा करयलपल्हत्थमुही अट्टज्झाणोवगया भूमिगयदिट्ठीया झियायइ। तं पि य सिद्धत्थरायभवर्ण उवरयमुइंगतंतीतलतालनाडइज्जजणमणुज्ज दीणविमणं विहरह ॥८॥. तए णं समणे भगवं
। रेणं अपण मणषपणं कट्टा क. ॥ २ कारणं अतीष क-क-1-५ ॥
For Private And Personal Use Only
