Page Text
________________
विमान-वत्थु
[ ७९
समासमो नत्थि कुतो पनुत्तुरो यसेन पुञ्जेन च इद्धिया च। सब्बे च देवा तिदसा गणा समेच्च तं तं नमस्सन्ति ससि व देवा ॥२॥ इमा च ते अच्छरायो समन्ततो नच्चन्ति गायन्ति पमोदयन्ति । देविद्धिपत्तोसि महानुभावो मनस्सभतो किमकासि पञ॥३॥ केनासि एवं जलितानुभावो वण्णो च ते सब्बदिसा पभासतीति ॥४॥ सो देवपुत्तो अत्तमनो...पे...यस्स कम्मस्सिदं फलं ॥५॥ सो' हम्पि भन्ते अहुवासि पुब्बे सुमेधनामस्स जिनस्स सावको। पुथुज्जनो अनुबोधो हमस्मि सो सत्तवस्सानि पब्बजिस्साहं ॥६॥ स्वाहं सुमेधस्स जिनस्स सत्थुनो परिनिब्बुतस्सोपतिण्णस्स तादिनो । रतनुच्चयं हेमजालेन छन्नं वन्दित्व थूपस्मि मनं पसादयिं ॥७॥ नमासि दानं न च पन मत्थि दातुं परे च खो तत्थ समादपेसि । पूजेथ नं पूजनियस्स धातुं एवं किर सग्गमितो गमिस्सथ ॥८॥ तदेव कम कुसलं कतं मया सुखञ्च कम्मं दिब्बं अनुभोमि । मोदामहं तिदसगणस्स मज्झे न तस्स पुञस्स खयम्हि अज्झगाति ॥९॥
अनेकवण्णविमानं अतृमं ॥८॥
८३-मटकुंडलिविमानं (७६) अलङकतो मट्टकुण्डली मालधारी हरिचन्दनुस्सदो । बाहा पग्गय्ह कन्दसि वनमज्झे किं दुक्खितो तुवन्ति ॥१॥ सोवण्णमयो पभस्सरो उप्पन्नो रथपञ्जरो मम । तस्स चक्कयुगं न विन्दामि तेन दुक्खेन जहिस्सामि जीवितन्ति ॥२॥ सोवण्णमयं मणिमयं लोहितङ्कमयं अथ रूपियमयं । आचिक्ख मे त्वं भद्द माणव चक्कयुगं पटिलाभयामिते ति ॥३॥ सो माणवो तस्स पावदि चन्दिमसुरिया उभयेत्थ दिस्सरे । सोवण्णमयो रथो मम तेन चक्कयुगेन सोभतीति ॥४॥ बलो खो त्वमसि माणव यो खो त्वं पत्थयसि अपत्थियं । मजामि त्वं मरिस्ससि न हि त्वं लच्छसि चन्दिमसुरियेति ॥५॥ गमनागमनम्पि दिस्सति वण्णधातु उभयत्थ वीथिया । पेतो पन कालकतो न दिस्सति कोनिध कन्दतं बाल्यतरोति ॥६॥ सच्चं खो वदेसि माणव अहमेव कन्दतं बाल्यतरो । चन्दं विय दारको रुदं पेतं कालकतभिपत्थयन्ति ॥७॥
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034658 |
| Book Title | Viman Vatthu |
| Original Sutra Author | N/A |
| Author | Jagdish Kashyap |
| Publisher | Uttam Bhikkhu |
| Publication Year | 1937 |
| Total Pages | 86 |
| Language | Sanskrit |
| Classification | Book_Devnagari |
| File Size | 4 MB |