________________
[ ७७
७२ ]
विमान-वत्थु
८१-कन्थकविमानं (७७) पुण्णमाये यथा चन्दो नक्खत्तपरिवारितो । समन्ता अनुपरियाति तारकाधिपति ससी ॥२॥ तत्थूपम इदं व्यम्हं दिब्बं देवपुरम्हि च । अतिरोचति वण्णेन उदयन्तो व रजिसमा ॥२॥ वेळुरियसुवण्णस्स फलिकारूपि यस्स च । मसारगल्लमुत्ताहि लोहितङकमणिहि च ॥३॥ चित्रा मनोरमा भूमि वेणुरियस्स सण्ठिता । कूटागारा सुभा रम्मा पासादो ते सुमापितो ॥४॥ रम्मा च ते पोक्खरणी पुथुला मच्छसेविता । अच्छोदका विप्पसन्ना सोवण्णवालिका सन्थता ॥५॥ नाना पदुमसंछन्ना पुण्डरीकसमोगता । सुरभि सम्पवायन्ति मनुज्ञा मालुतेरिता ॥६॥ तस्सा ते उभतो पस्से वनगुम्बा सुमापिता । उपेता पुप्फरुक्खेहि फलरुक्खेहि चूभयं ॥७॥ सोवण्णपादे पल्लङके मुदुके गोणसन्थते । निसिन्नं देवराजं व उपतिट्ठन्ति अच्छरा ॥८॥ सब्बाभरणसंछन्ना नाना मालाविभूसिता । रमेन्ति तम्महिद्धिकं वसवत्ती च मोदसि ॥९॥ भेरिसंखमुदिङगाहि वीणाहि पणवेहि च । रमसि रतिसम्पन्नो नच्चगीतेसु वादिते ॥१०॥ दिब्बा ते विविधा रूपा दिब्बा सद्दा अथो रसा । गन्धा च ते अधिप्पेता फोट्रब्बा च मनोरमा ॥११॥ तस्मि विमाने पवरे देवपुत्ता महप्पभा । अधिरोचसि वण्णेन उदयन्तो व भानुमा ॥१२॥ दानस्स ते इदं फलं अथो सीलस्स वा पन । अथो अञ्जलिकम्मस्स तम्मे अक्खाहि पुच्छितो ॥१३॥ सो देवपुत्तो अत्तमनो...पे...यस्स कम्मस्सिदं फलं ॥१४॥ अहं कपिलवत्थुस्मि साकियानं पुरुत्तमे । सुद्धोदनस्स पुत्तस्स कन्थको सहजो अहं ॥१५॥
Shree Sudharmaswami Gyanbhandar-Umara Surat
www.umaragyanbhandar.com
