________________
७१४ ]
सुवण्णविमानं
७७ - मणिभूणविमानं (७/३)
उच्चमिदं मणिथूणं विमानं समन्ततो द्वादसयोजनानि । कूटागारा सत्तरसा उळारा वेळुरियत्थम्भा रुचिकत्थता सुभा ॥ १ ॥ तत्थच्छसि पिवसि खादसी च दिब्बा च वीणा पवदन्ति वग्गू । दिब्बा रसा कामगुणेत्थ पञ्च नारियो च नन्चन्ति सुवण्णच्छन्ना ॥२॥ केन ते तादिसो वण्णो...पे. वण्णो च ते सब्बदिसा पभासतीति ॥ ३॥ सो देवपुत्तो अत्तमनो पे... यस्स कम्मस्सिदं फलं ॥४॥ अहं मनुस्सेसु मनुस्सभूतो विवने पथे चकमं अकासि । आरामरुक्खानि च रोपयिस्सं पिया च मे सीलवन्तो असुं ॥ ५ ॥ अन्नञ्च पानञ्च पसन्नचित्तो सक्कच्च दानं विपुलं अदासि । तेन मे तादिसो वण्णो पे.. वण्णो च मे सब्बदिसा पभासतीति ॥ ६ ॥ मणिथूणविमानं ततियं ॥ ३ ॥
७८ सुवरण विमानं (७४)
सोवण्णमये पब्बतस्मि विमानं सब्बतो फलं । हेमजालपतिच्छन्नं किङ्किणिकजालकप्पितं ॥१॥ अट्टंसा सुकता थम्भा सब्बे वेळुरियामया । एकमेकाय अंसिया रतना सत्तनिम्मिता ॥२॥ वेळुरिय सुवण्णस्स फलिका रूपियस्स च । मसारग्गलमुत्ताहि लोहितङक मणीहि च ॥३॥ चित्रा मनोरमा भूमि न तत्युद्धंसते रजो । गोपाणसि गणापीता कूतं धरेन्ति निम्मिता ॥४॥ सोपानानि च चत्तारि निम्मिता चतुरो दिसा । नानारतनगभेहि आदिच्चो व विरोचती ॥ ५ ॥ वेदिका चतस्सो तत्थ विभत्ता भागसो मिता । दद्द्ळ्हमाना आभन्ति समन्ता चतुरो दिसा ॥ ६॥ तस्मि विमाने पवरे देवपुत्तो महप्पभो । अतिरोचसि वण्णेन उदयन्तो व भानुमा ॥७॥ दानस्स ते इदं फलं अथो सीलस्स वा पन । अथो अञ्जलिकम्मस्स तम्मे अक्खाहि पुच्छितोति ॥८॥
Shree Sudharmaswami Gyanbhandar-Umara, Surat
[ ६६
www.umaragyanbhandar.com
