Page Text
________________
दामोदरगुप्तविरचितं 'देशान्तरेषु वेषस्वभावभणितानि ये न बुध्यन्ते । समुपासते न च गुरून् विषाणविकलास्त उक्षाणः॥ २१२ ॥ आकर्ष्याथ तमूचे वचनमिदं सुन्दरः सुहन्मुख्यम् । शोभनमेतद्वीतं गुणपालित साधुनाऽनेन ॥ २१३ ॥ साधूनामाचरितं खलचेष्टां विविधलोकहेवाकान् । नर्म विदग्धैर्विहितं कुलटाजनवक्रकथितानि ॥ २१४ ॥ गुरुगूढशास्त्रतत्त्वं विटवृत्तं धूर्तवञ्चनोपायान् । वारिधिपरिखां पृथ्वी जानाति परिभ्रमन् पुरुषः ॥ २१५ ॥
(युगलकम् ) अत उज्झित्य गृहस्थितिसुखलेशं विविधलाभपरिणामे । स्थापय गमनारम्भे वयस्य हृदयं मया सहितः ॥ २१६ ॥
इत्थं निगदितवन्तं सुहृदुत्तरलाभलालसात्मानम् । ऊचे सुन्दरसेनं लजित इव सहचरो वचनम् ॥ २१७ ॥ 'अभ्यर्थनानुबन्धो लज्जाकर एव मादृशां किन्तु ।
आकर्णय कथयामः पथिकानां यानि दुःखानि ॥ २१८॥ सहसा अकस्मात् ॥ २११ ॥ भणितानि सरसोक्तयः । विषाणविकलाः शृङ्गविहीनाः, उक्षाणो वृषभाः । [अत्र न्यूनाभेदरूपकालंकारः । ] ॥ २१२ ॥ २१३ ॥ [ युगलकेन प्रवासलाभानाह साधूनामिति । ] हेवाकः उत्कण्ठा [ अभिलाषो वा]। नर्म [अग्राम्यः] परिहासः । [कुलटा असती, वक्रकथितं व्यङ्गयोक्तिः।] ॥२१४॥ [गुर्विति—गुरौ गूढं गुरुगम्यं गुरुणैव प्रकाश्यं यत् शास्त्रतत्त्वं रहस्यम् । विटवृत्तं कामतन्त्रकोविदानां चरितम् । वारिधिपरिखां समुद्रखेयाम् । ] ॥ २१५ ॥ गृहस्थितौ संजायमानं सुखस्य लेशं लवं, उज्झित्य । विविधो लाभो यस्मिन् तादृशः परिणामः फलावस्था यस्य तस्मिन् गमनारम्भे इति ॥ २१६ ॥ [सुहृदुत्तरेति मित्रोत्तराभिलाषिणम् । लजित इव मन्दमन्दं इत्यर्थः । ] २१७ ॥ अभ्यर्थनानुबन्धो यद्भवतोक्तं तदनुकूलवाक्यपरम्पराप्रयोगः ॥[यद्वा अभ्यर्थनायाः प्रार्थनायाः, अनुबन्धः
२१३ स ऊचे (गो. कापा) २१४ लोकविन्यासान् ( कापा ) २१५ गुरुगूढशास्त्रचर्चा (4) गुरुगेहशास्त्रचर्चा (गो२.) गुरुगहशास्त्रचर्यो ( कापा) २१६ अत उत्सृज्य (प. कापा) २१७ सुहृदुत्तम (प.) २१८ कथयामि च ( कापा)
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034538 |
| Book Title | Kuttanimatam |
| Original Sutra Author | N/A |
| Author | Damodar Guptakavi, Sukhram Sharma |
| Publisher | Dharmsukhram |
| Publication Year | 1924 |
| Total Pages | 606 |
| Language | Sanskrit |
| Classification | Book_Devnagari |
| File Size | 66 MB |