________________
करुणरसकदंबकं सोऊण चक्कवाई, वाहरमाणी सरस्स मज्झत्था । महिलासङ्काभिमुहो, पुणो वि जाओ च्चिय निरासो ॥ ५९ ॥ रोसपसरन्तहियओ, वजावत्तं धणुं समारुहिउँ । २ अप्फालेइ महप्पा, भयजणणं सव्वसत्ताणं ॥६॥ मोत्तूण सीहनाय, पुणो विसायं खणेण संपत्तो । सोयइ मए वराई, जणयसुया हारिया रण्णे ॥ ६१ ॥ इह मणुयसायरवरे, महिलारयणुत्तमं महं नहूँ । न लभामि गवेसन्तो, धणियपि सुदीहकालेणं ॥ ६२ ॥ वग्घेण व सीहेण व, खइया किं मारिया व हत्थीणं । बहुजलकल्लोलाए, अवहरिया गिरिनदीए व्व ॥ ६३ ॥ दिट्ठा दिट्ठा सि मए, एहेहि इओ इओ कउल्लावो। धावइ तओ तओ च्चिय, पडिसहयमोहिओ रामो ॥ ६४ ॥ अहवा दुट्टेण इह, केण व हरिया महं हिययइट्ठा । घणगिरितरुसंछन्नं, कत्तो रणं गवेसामि ॥६५॥ एव परिहिण्डिऊणं, तं रणं राहवो पडिनियत्तो। जाओ निरासहियओ, निययावासे तओ सुयइ ॥ ६६ ॥
—पउमचरिए प० ४४
सोबती. २ ५७j.
Shree Sudharmaswami Gyanbhandar-Umara, Surat
www.umaragyanbhandar.com
