________________
करुणरसकदंबकं
मह आणाए पुणरवि आगंतव्वं तए इह तहा य । भणिया सहाइपुरिसा इमीए पिउधरदुवाराओ॥ ५८ ॥ वलियम्वमभुत्तेहिं तो तं सुणिऊण तीइ बहुरुनं । तह चिंतियं च एयं मएवरद्धं किमवि मन्ने ? ॥ ५९॥ अन्नह किमेवमेसो जंपइ कझ्यावि निहुरं वयणं ? । किंतु न सरेमि किंचि वि अवराहं आ विवाहाओ ॥ ६ ॥ इय चिंतती पत्ता सत्थेण समं सजणयनयरम्मि । तत्तो सहाइणो वि य वलिया सा पुण गया गेहे ॥ ६१ ॥ तं दटुं जणयाई रहियं सहियाजणेहिं कसिणमुहिं । रोयंतिं सहसच्चिय हरिसविसाएहिं गहियाई ॥ ६२ ॥ चिंतिति हा किमेसा एगा विमणुम्मणा विंगयतेया । ससुरकुलाओ पत्ता अम्ह सुया इय अकंडे वि ? ॥ ६३ ॥ तो नेहनिब्भराई तं परिरंभंति ताई अह सावि । अइमंतुभरियहियय। अहिययरं रोविउं ला ॥ ६४ ॥ आसासिया पिऊहिं पुट्ठाए साहियं जहावित्तं । तं सोऊणं ताई वि चिंतंति इमं सदुक्खाई ॥ ६५ ॥ किं सो पई विरत्तो ? किं वा एसा कुलाण मलिणयरी । किं वा दिव्वपओगो उइन्नमह अंतराईयं ? ॥ ६६ ॥ अहव सैवक्कीए इमीए उवरि उत्तारिओ पई होज्जा । किं वा एईए वि हु संपइ पुन्नक्खओ जाओ ? ॥ ६७ ॥
-सुपासनाहचरिए पु० ६००-६०१।
૧ ઉદયમાં આવ્યું. ૨ શક્ય.
Shree Sudharmaswami Gyanbhandar-Umara, Surat
www.umaragyanbhandar.com
