________________
करुणरसकदंबकं
[३०] अंमापिअरेहिं सद्धिं दिक्खागहणतल्लिच्छ
महब्बलकुमारस्म संवाओ। तए णं से महब्बले कुमारे एवं वयासी-" इच्छामि णं अम्मयातो ! तुम्हेहिं अब्भणुनाए समाणे संसारभउद्विग्गे भीए जम्मणमरणाणं, धम्मघोसस्स अंतिए अहं पव्वइत्तए"।
तए णं सा पहावई अणिटुं अकंतं असुयपुव्वं गिरं सोच्चा रोमकूवपगलंतसेय-किलिण्णगत्ता सोगभरवेवियंगी नित्तेया दीणवयणा करयलमलियव्व कमलमाला खुणियवलया पैहठ्ठउत्तरिजा विकिन्नकेसहत्था परसुनिकित्तव्य चंपगलया कुट्टिमतलंसि धसति सव्वंगेहिं निवडिया । तते ण सा ससंभमखित्ताए कंचणभिंगारवारिधाराए उक्खेवगवाएण य समासासिया समाणी रोयमाणी कंदमाणी महब्बलं एवं वयासी-“तुमं सि णे जाया ! अम्हं एगे पुत्ते इटे कंते रयणभूए निहिभूए जीवियभूए उंबरपुप्फ व्व दुल्लभे, तन्नो खलु जाया ! अम्हे इच्छामो तुज्झ खणमवि विपतोगं, अच्छाहि ताव जाया ! जाव अम्हे जीवामो, पच्छा अम्हेहिं कालगएहिं परिणयवए वड़ियकुलसंताणे पव्वइहिसि"।
तए णं से महब्बले एवं वयासी-“तहा णं तं अम्मयातो ! जं णं तुब्मे वयह 'तुमं एगे पुत्ते जाव पव्वइहिसि' परं माणुस्सए भवे जाइजरामरणरोगवसणसयामिभूए अधुवे संझब्भरायसरिसे सुविणगर्दसणो
१ भाई. २ ५ गयेब.. तनपा . ४ वियोग
Shree Sudharmaswami Gyanbhandar-Umara, Surat
www.umaragyanbhandar.com
