________________
_27
ಮೃತ್ಯು ಸಮಯದಲ್ಲಿ | ಪ್ರಶ್ಯಕರ್ತ: ಅಂತಿಮ ಸಮಯದಲ್ಲಿ ಯಾರಿಗೆ ಗೊತ್ತಿರುತ್ತದೆ, ಯಾವಾಗ ಈ ಕಿವಿ ಕೇಳುವುದು ನಿಂತುಹೋಗುತ್ತದೆ ಎಂದು?
ದಾದಾಶ್ರೀ: ಅಂತ್ಯಕಾಲದಲ್ಲಿ ಏನೇನು ಪುಸ್ತಕದಲ್ಲಿ ಜಮಾವಾಗಿರುವುದೋ, ಅದೆಲ್ಲವೂ ಬರುತ್ತದೆ. ಜೀವನದ ಕೊನೆಗಳಿಗೆಯಲ್ಲಿ ಯಾವ ಗುಣ ಸ್ಥಾನವನ್ನು ಹೊಂದಲಾಗುತ್ತದೆ, ಎನ್ನುವುದೇ ಆ ಬ್ಯಾಲೆನ್ಸ್ ಶೀಟ್ ಆಗಿದೆ. ಅಲ್ಲದೆ ಈ ಬ್ಯಾಲೆನ್ಸ್ ಶೀಟ್ ಸಂಪೂರ್ಣ ಜೀವನದಲ್ಲ. ಅದು ಜನಿಸಿದ ನಂತರ, ಅದೇ ಜನ್ಮದ ಮಧ್ಯಭಾಗ (ಆಯುಷ್ಯದ ಮಧ್ಯಾವಧಿ ಭಾಗ) ಬ್ಯಾಲೆನ್ಸ್ ಶೀಟ್ ಆಗಿರುತ್ತದೆ. ಆದರೆ, ನಮ್ಮಲ್ಲಿ ಬಹಳ ಮಂದಿ ಮರಣದ ಗಳಿಗೆಯಲ್ಲಿ ಅವರ ಕಿವಿಯ ಹತ್ತಿರ ಹೋಗಿ 'ರಾಮ, ರಾಮ ಹೇಳಿ' ಎಂದು ಹೇಳಿಸಲು ಪ್ರಯತ್ನಿಸುತ್ತಾರೆ. ಅಯ್ಯೋ ಮೂರ್ಖ! ರಾಮ ಎಂದು ಯಾರಿಗೆ ಹೇಳಿಸಲು ಹೋಗುವೆ? ಆ ರಾಮನಂತೂ ಯಾವಾಗಲೋ ಹೋಗಿಯಾಗಿದೆ!
ಜನರಿಗೆ ತಿಳಿಸಿಕೊಡಲಾಗಿದೆ. ಕೊನೆಗಳಿಗೆಯಲ್ಲಿರುವವರಿಗೆ ದೇವರ ಸ್ಮರಣೆಯಂತಹ ಏನನ್ನಾದರೂ ಮಾಡಿ ಎಂದು. ಆದರೆ, ಆ ಸಮಯದಲ್ಲಿ ಅವರಗೆ ಪುಣ್ಯವಿದ್ದರೆ, ಆಗ (ದೇವರ ಸ್ಮರಣೆಯಲ್ಲಿ ತೊಡಗಿಕೊಳ್ಳುತ್ತಾರೆ) ಅಡ್ಡಸ್ಟ್ ಆಗುತ್ತದೆ. ಇಲ್ಲದೆ ಹೋದರೆ, ಇನ್ನೂ ಮಗಳ ಮದುವೆಯ ಚಿಂತೆಯಲ್ಲೇ ಇರುತ್ತಾರೆ; ಮೂವರು ಹೆಣ್ಣುಮಕ್ಕಳಿಗೆ ಮದುವೆಯಾಗಿದೆ ಆದರೆ ನಾಲ್ಕನೆಯ ಚಿಕ್ಕಮಗಳ ಮದುವೆ ಮಾಡುವುದು ಬಾಕಿ ಉಳಿಯಿತು ಎಂಬ ಯೋಚಯಲ್ಲಿ ಇರುತ್ತಾರೆ. ಹೀಗೆ ಏನು ಸಂಗ್ರಹಣೆ ಮಾಡಿಕೊಳ್ಳಲಾಗಿತ್ತು ಅದು ಆಗ ಎದುರಿಗೆ ಬಂದು ನಿಲ್ಲುತ್ತದೆ ಹಾಗೂ ಚಿಕ್ಕಂದಿನಲ್ಲಿ ಮಾಡಿರುವ ಒಳಿತು ಜೊತೆಯಲ್ಲಿ ಬರುವುದಿಲ್ಲ, ಆದರೆ ಇಳಿವಯಸ್ಸಿನಲ್ಲಿ ಮಾಡಿದ ಒಳ್ಳೆಯ ಕೆಲಸಗಳು ಜೊತೆಯಲ್ಲಿ ಬರುತ್ತವೆ.
ಕ್ಷಣ ಕ್ಷಣವೂ ಭಾವ ಮರಣ!
ಪ್ರಶ್ಯಕರ್ತ: ದೇಹದ ಮರಣವೆಂದು ಹೇಳಬಹುದಲ್ಲವೇ?
ದಾದಾಶ್ರೀ: ಅಜ್ಞಾನಿ ಮನುಷ್ಯರಿಗೆ ಎರಡು ರೀತಿಯ ಮರಣವಾಗುತ್ತದೆ. ನಿತ್ಯವೂ ಭಾವ ಮರಣವಾಗುತ್ತಲೇ ಇರುತ್ತದೆ. ಕ್ಷಣ-ಕ್ಷಣವೂ ಭಾವ ಮರಣವಾಗಿದೆ ಹಾಗೂ ಕೊನೆಗೆ ದೇಹದ ಮರಣವಾಗುತ್ತದೆ. ಆದರೆ ಅಲ್ಲಿ ಪ್ರತಿ ನಿತ್ಯವೂ ಅವರ ಮರಣವಾಗಿದೆ, ರೋಧನೆಯು ಪ್ರತಿನಿತ್ಯದ್ದಾಗಿದೆ. ಕ್ಷಣ-ಕ್ಷಣವೂ ಭಾವ ಮರಣವಾಗಿದೆ. ಹಾಗಾಗಿಯೇ ಕೃಪಾಲುದೇವರು ಬರೆದಿರುವುದು ಏನೆಂದರೆ;
'ಕ್ಷಣ ಕ್ಷಣ ಭಯಂಕರ ಭಾವ ಮರನೆ ಕ ಅಹೋ ರಾಚಿ ರಾಹ್!'
