________________
ಮತ್ತು ಸಮಯದಲಿ
ಆತ್ಮಹತ್ಯೆಗೆ ಕಾರಣಗಳು!
ಪ್ರಶ್ನಕರ್ತ: ಇದು ಅಭ್ಯಾಸವಾಗಿ ಬಿಟ್ಟಿರುವುದೇ, ಆತ್ಮಹತ್ಯೆಯನ್ನು ಮಾಡಿಕೊಳ್ಳುವುದರ rootCause (ಮೂಲ ಕಾರಣ) ಏನು?
ದಾದಾಶ್ರೀ: ಆತ್ಮಹತ್ಯೆಯ root-cause (ಮೂಲ ಕಾರಣ), ಅವರು ಯಾವುದೋ ಜನ್ಮದಲ್ಲಿ ಆತ್ಮಹತ್ಯೆ ಮಾಡಿಕೊಂಡಿರುವುದರಿಂದ, ಅದರ ಪುನರಾವರ್ತನೆ ಏಳು ಜನ್ಮಗಳವರೆಗೆ ಇರುತ್ತದೆ. ಹೇಗೆ ನಾವು ಚೆಂಡನ್ನು ಮೂರು ಅಡಿ ಎತ್ತರದಿಂದ ಕೆಳಗೆ ಹಾಕಿದರೆ ಅದು ಎರಡೂವರೆ ಅಡಿಯಷ್ಟು ಜಿಗಿದು, ಮತ್ತೆ ಒಂದು ಅಡಿ ಎತ್ತರಕ್ಕೆ ಇಳಿದು, ನಂತರ ಪುಟಿಯುತ್ತಾ ಕೆಳಗೆ ಬರುತ್ತದೆಯಲ್ಲಾ, ಹಾಗೆ, ಈ ರೀತಿಯಲ್ಲಿ ಆಗುವುದೋ ಇಲ್ಲವೋ? ಅಲ್ಲಿ ಚೆಂಡು ಮತ್ತೆ ಮೂರು ಅಡಿಯ ಎತ್ತರಕ್ಕೆ ಪುಟಿಯುವುದಿಲ್ಲ. ಆದರೆ, ಎರಡನೇ ಬಾರಿಗೆ ತನ್ನಷ್ಟಕ್ಕೆ ಸ್ವಾಭಾವಿಕವಾಗಿಯೇ ಎರಡೂವರೆ ಅಡಿಯಷ್ಟು ಮೇಲೆ ಬರುತ್ತದೆ, ಮೂರನೆಯ ಬಾರಿ ಎರಡು ಅಡಿಯಷ್ಟು ಮೇಲೆಕ್ಕೆ ಪುಟಿದು ಬೀಳುತ್ತದೆ, ನಾಲ್ಕನೆಯ ಬಾರಿ ಒಂದೂವರೆ ಅಡಿಯಷ್ಟು ಪುಟಿಯುವುದು. ನಂತರ ಒಂದು ಅಡಿ ಎತ್ತರದಿಂದ ಪುಟಿದು ಬೀಳುವುದು. ಹೀಗೆ ಗತಿಯು ನಿಯಮಕ್ಕೆ ಬರುತ್ತದೆ. ಇದೆಲ್ಲಾ ಪ್ರಕೃತಿಯ ನಿಯಮವಾಗಿದೆ. ಮೊದಲಿಗೆ ಆತ್ಮಹತ್ಯೆ ಮಾಡಿಕೊಂಡಾಗ, ಅದು ಇನ್ನೂ ಏಳು ಜನ್ಮಗಳವರೆಗೆ ಹೀಗೆ ನಡೆಯುತ್ತಲೇ ಇರುತ್ತದೆ. ಮೊದಲ ಬಾರಿಗೆ ಮಾಡಿಕೊಂಡ ಬಳಿಕ ನಡೆಯುವುದೆಲ್ಲವನ್ನು ಉಳಿದಿರುವ ಹೆಚ್ಚು-ಕಡಿಮೆಯ ಪರಿಣಾಮಗಳ ಪರಿಸ್ಥಿತಿಗೆ ಆಧರಿಸಿ ಕೊಂಡಿರುವುದನ್ನು ನಾವು ಕಾಣಬಹುದು, ಸಣ್ಣ ರೀತಿಯ ಪರಿಣಾಮದ್ದಾಗಿದ್ದರೆ, ಆಗ ಅನಾವಶ್ಯಕವಾದ ಸಣ್ಣ ಪ್ರಸಂಗಕ್ಕೆ ಒಳಪಟ್ಟು ಅಂತ್ಯಗೊಳ್ಳುತ್ತದೆ.
ಅಂತಿಮ ಕ್ಷಣಗಳಲ್ಲಿ...
ಮರಣದ ಸಮಯದಲ್ಲಿ, ಜೀವನವಿಡೀ ಏನೆಲ್ಲಾ ಮಾಡಲಾಗಿತ್ತೋ, ಅದರ ಬ್ಯಾಲೆನ್ಸ್ ಶೀಟ್ ಬರುತ್ತದೆ. ಆ ಬ್ಯಾಲೆನ್ಸ್ ಶೀಟ್, ಇನ್ನೂ ಕಾಲು ಗಂಟೆ ಉಳಿದಿರುವಲ್ಲಿಯವರೆಗೂ ಲೆಕ್ಕಾಚಾರವನ್ನು ಮಾಡಿ-ಮಾಡಿ, ನಂತರ ದೇಹದ ಬಂಧನವಾಗುತ್ತದೆ. ಆಗ ಎರಡು ಕಾಲಿನಿಂದ ನಾಲ್ಕು ಕಾಲುಗಳಾಗಿ ಆಗಿಬಿಡುತ್ತದೆ. ಇಲ್ಲಿ ರೊಟ್ಟಿ ತಿನ್ನುತ್ತಿದ್ದವರು, ಅಲ್ಲಿ ರೆಂಬೆಕೊಂಬೆಗಳನ್ನು ತಿನ್ನಬೇಕಾಗಿ ಬರುತ್ತದೆ. ಇದೆಲ್ಲಾ ಕಲಿಯುಗದ ಮಹಿಮೆಯಾಗಿದೆ. ಅಲ್ಲದೆ ಈ ಕಲಿಯುಗ, ಮನುಷ್ಯ ಜೀವನ ಮತ್ತೆ ಸಿಗುವುದು ಬಹಳ ಕಷ್ಟವಾಗಿರುವಂತಹ ಕಾಲವಾಗಿದೆ...!
