________________
ಮೃತ್ಯು ಸಮಯದಲ್ಲಿ | ತೊಂದರೆಯನ್ನು ಅನುಭವಿಸಬೇಕಾಗುತ್ತದೆ. ಒಮ್ಮೆ ಆತ್ಮಹತ್ಯೆ ಮಾಡಿಕೊಳ್ಳುವುದರಿಂದ, ಅದರ ನಂತರ ಎಷ್ಟೋ ಜನ್ಮಗಳವರೆಗೆ ಪುನರಾವರ್ತನೆ ಆಗುತ್ತಲೇ ಇರುತ್ತದೆ! ಅಲ್ಲದೆ ಈಗ ಯಾರು ಆತ್ಮಹತ್ಯೆ ಮಾಡಿಕೊಳ್ಳುತ್ತಾರೆ, ಅವರು ಅದೇನೂ ಹೊಸದಾಗಿ ಮಾಡುತ್ತಿಲ್ಲ. ಹಿಂದೆಯೂ ಆತ್ಮಹತ್ಯೆ ಮಾಡಿಕೊಂಡಿದ್ದರಿಂದ, ಅದು ಮತ್ತೆ ಈಗ ಮರುಕಳಿಸಿದೆ. ಈಗ ಯಾರು ಆತ್ಮಹತ್ಯೆ ಮಾಡಿ ಕೊಳ್ಳುತ್ತಾರೆ, ಅವರಿಗೆ ಅದು ಹಿಂದಿನ ಆತ್ಮಹತ್ಯೆಯ ಕರ್ಮದ ಫಲವಾಗಿ ಬಂದಿದೆ. ಹಾಗಾಗಿ ತನ್ನಿಂದ ತಾನೇ ಆತ್ಮಹತ್ಯೆ ಮಾಡಿಕೊಂಡು ಬಿಡುತ್ತಾರೆ. ಅದು ಯಾವ ರೀತಿಯಲ್ಲಿ ಮರುಕಳಿಸುತ್ತದೆ ಎಂದರೆ, ಮತ್ತೆ-ಮತ್ತೆ ಹಾಗೆಯೇ ಮಾಡುತ್ತಾ ಬರುತ್ತಿರುತ್ತಾರೆ. ಆತ್ಮಹತ್ಯೆ ಮಾಡಿಕೊಳ್ಳುವುದಲ್ಲದೆ, ಆತ್ಮಹತ್ಯೆಯ ನಂತರ ಅವಗತಿಯು ಪ್ರಾಪ್ತಿಯಾಗುವುದು, ಅವಗತಿ (ಅಂತರಪಿಶಾಚಿ) ಎಂದರೆ ದೇಹವಿಲ್ಲದೆ ಅಲೆದಾಡುತ್ತಿರುವುದು. ಆದರೆ ಭೂತ ಬೇರೆ, ಭೂತವಾಗುವುದು ಅಷ್ಟು ಸುಲಭವಿಲ್ಲ. ಭೂತ ಎಂದರೆ ದೇವಗತಿಯ ಅವತಾರವಾಗಿದೆ, ಅದು ಅಷ್ಟು ಸುಲಭವಾದ ವಿಷಯವಲ್ಲ. ಭೂತ ಅಂದರೆ, ಯಾರು ಇಲ್ಲಿ ಮೊದಲು ಕಠೋರ ತಪಸ್ಸನ್ನು ಮಾಡಿರುತ್ತಾರೆ, ಆದರೆ ಅದನ್ನು ಅಜ್ಞಾನದಿಂದ ಮಾಡಿರುತ್ತಾರೆ. ಅಂಥವರು ಭೂತವಾಗುತ್ತಾರೆ. ಅದೇ ಪ್ರೇತ ಎನ್ನುವುದು ಬೇರೆಯೇ ವಿಚಾರವಾಗಿದೆ.
ವಿಕಲ್ಪ ಇಲ್ಲದೆ ಜೀವಿಸಲು ಸಾಧ್ಯವಿಲ್ಲ!
ಪ್ರಶ್ಯಕರ್ತ: ಆತ್ಮಹತ್ಯೆಯ ವಿಚಾರವು ಯಾಕೆ ಬರುತ್ತದೆ?
ದಾದಾಶ್ರೀ: ಅದೇನೆಂದರೆ ಒಳಗೆ ವಿಕಲ್ಪವು ಅಂತ್ಯವಾಗಿಬಿಟ್ಟಿರುತ್ತದೆ. ಎಲ್ಲವೂ ವಿಕಲ್ಪದ ಆಧಾರದ ಮೇಲೆ ಜೀವಿಸುವುದಾಗಿದೆ. ವಿಕಲ್ಪವು ಅಂತ್ಯಗೊಂಡರೆ ನಂತರ ಇನ್ನು ಏನು ಮಾಡಬೇಕು ಎಂದು ಗೋಚರಿಸುವುದಿಲ್ಲ, ಇದರಿಂದಾಗಿ ಆತ್ಮಹತ್ಯೆಯ ವಿಚಾರವನ್ನು ಮಾಡುತ್ತಾರೆ. ಹಾಗಾಗಿ ಈ ವಿಕಲ್ಪವೂ ಕೂಡಾ ಉಪಯೋಗಕ್ಕೆ ಬರುವಂತದ್ದೇ ಆಗಿದೆ!
ಸಹಜವಾಗಿ ಬರುವಂತಹ ವಿಚಾರಗಳು ನಿಂತು ಹೋದರೆ, ಆಗ ಇಂತಹದೆಲ್ಲಾ ಕೆಟ್ಟ ವಿಚಾರಗಳು ಬರುತ್ತವೆ. ವಿಕಲ್ಪವು ನಿಂತು ಹೋಯಿತೆಂದರೆ ಸಹಜವಾಗಿಯೇ ಬರುತ್ತಿದ್ದ ವಿಚಾರಗಳು ನಿಂತು ಹೋಗುತ್ತವೆ, ಗಾಢವಾದ ಕತ್ತಲು ಆವರಿಸಿಬಿಡುತ್ತದೆ, ನಂತರ ಏನೂ ಗೋಚರಿಸುವುದಿಲ್ಲ! ಸಂಕಲ್ಪ ಎಂದರೆ 'ನನ್ನದು' ಹಾಗೂ ವಿಕಲ್ಪ ಎಂದರೆ 'ನಾನು', ಈ ಎರಡೂ ಮರೆಯಾದರೆ, ಆಗ ಸಾಯುವ ವಿಚಾರವು ಬರುತ್ತದೆ.
