________________
ಮೃತ್ಯು ಸಮಯದಲ್ಲಿ ಪ್ರಶ್ನಕರ್ತ: ಇಲ್ಲ.
ದಾದಾಶ್ರೀ: ಯಾಕೆ, ಬರಲು ಯಾವ ದಾರಿಯು ಇಲ್ಲವೇ?
ಪ್ರಶ್ನಕರ್ತ: ಇಲ್ಲ.
ದಾದಾಶ್ರೀ: ಹಾಗಿದ್ದ ಮೇಲೆ, ಇಲ್ಲಿ ಕೊರಗುತ್ತಿದ್ದರೆ, ಅದು ಅವನಿಗೆ ತಲುಪುತ್ತದೆ ಮತ್ತು ಅವನ ಹೆಸರಿನಲ್ಲಿ ನಾವು ಧರ್ಮವನ್ನೋ-ಭಕ್ತಿಯನ್ನೇ ಮಾಡಿದಾಗ, ನಮ್ಮ ಭಾವನೆಗಳು ಅವನಿಗೆ ತಲುಪುತ್ತದೆ ಮತ್ತು ಅದರಿಂದ ಅವನಿಗೆ ಶಾಂತಿಯು ಸಿಗುತ್ತದೆ. ಅವನಿಗೆ ಶಾಂತಿ ಸಿಗುವ ವಿಚಾರವು ನಿಮಗೆ ಹೇಗೆ ಅನ್ನಿಸುತ್ತದೆ? ಅಲ್ಲದೆ ಅವನಿಗೆ ಶಾಂತಿಯನ್ನು ಸಿಗುವಂತೆ ಮಾಡುವುದು ನಿಮ್ಮ ಜವಾಬುದಾರಿ ಅಲ್ಲವೇ? ಹಾಗಾಗಿ ಅಂಥದ್ದೇನಾದರೂ ಮಾಡಿ, ಅದರಿಂದ ಅವನಿಗೂ ನೆಮ್ಮದಿ ದೊರಕಲಿ, ಶಾಲೆಯ ಮಕ್ಕಳಿಗೆ ಸಿಹಿ ತಿಂಡಿಯನ್ನು ಹಂಚುವುದು ಅಥವಾ ಬೇರೇನಾದರೂ ಮಾಡಿ.
ಯಾವಾಗ ನಿಮ್ಮ ಮಗನ ನೆನಪಾಗುವುದೋ, ಆಗ ಅವನ ಆತ್ಮದ ಕಲ್ಯಾಣವಾಗಲಿ ಎಂದು ಪ್ರಾರ್ಥನೆಯನ್ನು ಮಾಡಿ, 'ಕುಲದೇವರ ಹೆಸರನ್ನು ಸ್ಮರಿಸಿ, 'ದಾದಾ ಭಗವಾನರಲ್ಲಿ ಪ್ರಾರ್ಥಿಸಿಕೊಂಡರೂ ಕೆಲಸವಾಗುತ್ತದೆ. ಕಾರಣವೇನೆಂದರೆ 'ದಾದಾ ಭಗವಾನರು' ಮತ್ತು 'ಕುಲದೇವರು' ಆತ್ಮ ಸ್ವರೂಪದಿಂದ ಒಂದೇ ಆಗಿದ್ದಾರೆ! ದೇಹದಿಂದ ಬೇರೆ ಬೇರೆಯಾಗಿ ಕಾಣಿಸಬಹುದು, ನೋಡಲು ಬೇರೆಯಾಗಿ ಕಾಣಿಸಬಹುದು ಆದರೆ ವಸ್ತುವಿನ ರೀತಿಯಿಂದ ಒಂದೇ ಆಗಿದ್ದಾರೆ. ಆದುದರಿಂದ ಮಹಾವೀರ್ ಭಗವಾನರ ಹೆಸರನ್ನು ಹೇಳಿದರೂ ಕೂಡಾ ಒಂದೇ ಆಗಿದೆ. ಹಾಗಾಗಿ ಅವನ ಆತ್ಮದ ಕಲ್ಯಾಣವಾಗಲಿ ಎನ್ನುವುದೊಂದೇ ನಮ್ಮ ನಿರಂತರದ ಭಾವನೆಯಾಗಿರಬೇಕು. ಅವರು ಇರುವವರೆಗೂ ನಮ್ಮೊಂದಿಗೆ ಜೊತೆಯಲ್ಲಿ ನಿರಂತರ ಇರಲಾಗಿತ್ತು, ಜೊತೆಯಲ್ಲಿಯೇ ಊಟ-ತಿಂಡಿಯನ್ನು ಮಾಡಲಾಗಿತ್ತು, ಹಾಗಿರುವಾಗ ನಾವು ಅವರ ಕಲ್ಯಾಣವಾಗಲಿ ಎಂಬ ಭಾವನೆಯನ್ನು ಯಾಕೆ ಭಾವಿಸಬಾರದು? ನಾವು ಹೊರಗಿನವರಿಗೆ ಒಳ್ಳೆಯ ಭಾವನೆಯನ್ನು ಭಾವಿಸುವಾಗ, ಇಲ್ಲಿ ನಮ್ಮ ಸ್ವಂತದ ಮನೆಯ ವ್ಯಕ್ತಿಗಾಗಿ ಯಾಕೆ ಒಳ್ಳೆಯ ಭಾವನೆ ಮಾಡಬಾರದು?
