________________
ಮೃತ್ಯು ಸಮಯದಲ್ಲಿ | ರೋಧನೆಯು, ಸ್ವಾರ್ಥದ ಸಲುವಾಗಿಯೋ ಅಥವಾ ಹೋದವರ
ಸಲುವಾಗಿಯೋ?
ಪ್ರಶ್ಯಕರ್ತ: ನಮ್ಮ ಜನರಿಗೆ ಪುನರ್ಜನ್ಮದ ಅರಿವಿದೆ ಆದರೂ ಮನೆಯಲ್ಲಿ ಯಾರಾದರೂ ಮರಣ ಹೊಂದಿದ ಸಮಯದಲ್ಲಿ ಜನರು ಯಾಕೆ ರೋಧಿಸುತ್ತಾರೆ?
ದಾದಾಶ್ರೀ: ಅದೆಲ್ಲಾ ತನ್ನಯ ಸ್ವಾರ್ಥಕ್ಕಾಗಿಯೇ ರೋಧಿಸುವುದಾಗಿದೆ. ಯಾರಾದರು ಬಹಳ ನಿಕಟ ಸಂಬಂಧಿಗಳಾಗಿದ್ದರೆ ಉಳ್ಳವರಾಗಿದ್ದರೆ, ಆಗ ಅವರು ನಿಜವಾಗಿ ದುಃಖಿಸುತ್ತಾರೆ. ಆದರೆ ಉಳಿದವರೆಲ್ಲಾ ಆ ವೇಳೆಯಲ್ಲಿ ತೋರಿಕೆಗಾಗಿ ರೋಧಿಸುತ್ತಾ, ತಮ್ಮ ಸಂಬಂಧಿಯನ್ನು ನೆನಪಿಸಿಕೊಂಡು ಬಿಕ್ಕಿಬಿಕ್ಕಿ ಅಳುತ್ತಾರೆ, ಏನು ಆಶ್ಚರ್ಯ ಅಲ್ಲವೇ! ಈ ಜನರು ಭೂತಕಾಲವನ್ನು ವರ್ತಮಾನದಲ್ಲಿ ನೆನಪಿಸಿಕೊಳ್ಳುತ್ತಾರೆ, ಈ ಇಂಡಿಯಾದವರು ಧನ್ಯರಲ್ಲವೇ! ಭೂತಕಾಲವನ್ನು ವರ್ತಮಾನದಲ್ಲಿ ತಂದು ಅದರ ಪರಿಣಾಮವನ್ನು ನಮಗೆ ತೋರಿಸುತ್ತಾರೆ!
ಪರಿಣಾಮವು ಕಾಲ್ಪನಿಕ...
ಒಂದು ಬಾರಿ ಕಲ್ಪಿಸಿಕೊಂಡರೆ, ಆಗ ಆ 'ಕಲ್ಪನೆ'ಯ ಅಂತ್ಯದವರೆಗೂ ಅಲೆದಾಟವು ಶುರುವಾಗುತ್ತದೆ. ಪೂರ್ತಿ ಕಲ್ಪನೆಯ ಅಂತ್ಯದವರೆಗೂ ಅಲೆದಾಡುವುದೇ ಆಗಿದೆ ಇದು!
ಅದನ್ನು 'leakage' ಮಾಡಬಾರದು!
ಪ್ರಶ್ಯಕರ್ತ: ನರಸಿಂಹ ಮಹೇತಾ ಎನ್ನುವ ಮಹಾ ಪುರುಷರ ಪತ್ನಿ ತೀರಿಕೊಂಡಾಗ ಅವರು, 'ಒಳ್ಳೆಯದ್ದೇ ಆಯಿತು, ಮುರಿಯಿತು ಜಂಜಾಟ' ಎಂದು ಹೇಳಿದ್ದಾರೆ. ಇದಕ್ಕೆ ಏನು ಹೇಳುವುದು?
ದಾದಾಶ್ರೀ: ಆದರೆ, ಅವರ ಹುಚ್ಚುತನದಿಂದ ಹೊರಗೆ ವ್ಯಕ್ತ ಪಡಿಸಿಬಿಟ್ಟರು, 'ಒಳ್ಳೆಯದ್ದೇ ಆಯಿತು, ಮುರಿಯಿತು ಜಂಜಾಟ' ಎಂದು. ಆ ಮಾತನ್ನು ಅವರು ಮನಸ್ಸಿನಲ್ಲೇ ಇಟ್ಟುಕೊಳ್ಳಬೇಕಿತ್ತು, 'ಜಂಜಾಟವು ಮುರಿದು ಹೋಯಿತು' ಎಂದು. ಅದನ್ನು ಮನಸ್ಸಿನಿಂದ leakage' ಆಗಲು ಬಿಡಬಾರದು. ಆದರೆ ಅಲ್ಲಿ ಅದು ಮನಸ್ಸಿನಿಂದ 'leakage' ಆಗಿ ಹೊರಬಂದಿತ್ತು. ಮನಸ್ಸಿನಲ್ಲಿ ಇಡಬೇಕಾದ ವಸ್ತುವನ್ನು ಎಲ್ಲರ ಮುಂದೆ ಹೊರ ಹಾಕಿದರೆ, ಅವರನ್ನು ಹುಚ್ಚು ಹಿಡಿದ ಮನುಷ್ಯನೆಂದು ಕರೆಯುತ್ತಾರೆ.
